Gerîla Erîş Cesûro ke di birayê ey safanê PKKyî de şehîd bîyê û o dima ra ey zî verê xo dayo safanê HPGyî vano ke sebebê tewrbîyayîşê ey  sere de şehîdî, Rayberîye û gerîlayê ke koyan de mucadele kenî ê yê.

SEBA RAYBERÎYE Û GERÎLAYAN

Gerîlayê HPGyî Erîş Cesûr nameyê xo birayê ci Erîş Gevero ke 2013 de tewrê HPGyî biyo û şehîd kewto ey ra, peynameyê xo zî birayê ci Cesûr Gevero ke 2010 de tewrbîyayîşî ra dima cuya xo vîndî kerdo, ey ra geno. Cesûr vano ke nameyê ma heme ê şehîdanê, birayanê mi zî nameyê şehîdan girewtbî.

Cesûrî vat ke polîsanê Tirkî timûtim eştêne banê înan ser, coka birayê ci hemverê nê zextî de tewrê gerîlayî bîyî û dima ra zî ey verê xo dayo koyanê Kurdistanî.

KOYAN DE MEBO ZÎ MA MUCADELE DE YENÎ TÊHET

Cesûrî qiseykerdişê xo rê wina dewam kerd: ‘‘Birayê mi Cesûr Gever vera hêrişanê dewlete zaf bihêrs bi, la ey hêrsê xo birêxistin îfade kerdêne.Coka gerîla de xo ca kerde. Mi zaf waştêne ke ma koyan de bêrê têhet la ma no firset nêdî û bado zî birayê mi şehîd kewt. Ma koyan de nêameyî têhet la mucadele de têhet de yê. Ma nê koyan de xo ra heman patîkayan de rayra şinê û heman hênîyan ra awa şimenê. Nika bi desan hemrayê mi Erîş û Cesûrî estî. Cesûrî waştêne şiro Zagrosan. Gerîlatîya Zagrosan  xîyalê bi desan gerîlayan o. Waştişê mi bicaardişê nê xîyalî yo.‘‘

PKK SEY ŞITÎ YO

Cesûrî vat ke rêxisin zaf cîya merdimî ancena xo û xo ya gire dana. PKK sey şîtî yo.  Senîke  eke mîyanê şitî de leym bibo, cade bewlî beno keweno ser, PKK de zî wina yo.