Koyanê Amanosî yê qezaya Dortyolî ya Hatayî de, 6ê Nîsane de hêrişê Wesîteyo Bêmerdim yê Hewayî yê Bisîlehî (SİHA) de gerîlayê HPGyî Murat Kolca (Dijwar Şoreş) pîya bi heşt embazanê xo ya cuya xo vinî kerdebî. Cenazeya ci netîceyê testê DNAyî de 7 mengan ra dima dîyaye bi keyeyê ci.        .

Cenazeya Kolcayî ke Edene de Goristanê Kabasakalî yê bêkesan ra binê nezaretê polîsan de amî vetene amî ardene bi Amed. Goristanê Yenîkoyî ke cenazeya Dijwar Şoreşî amîbî ardene, hetê polîs û wesîteyanê bizirxan ra gîrîya binê abluka û dekewtiş û vejîyayîşê goristanî rê destûr nêame dayene.

Dekewtişê bi goristanî yê parlamentera Partîya Şaran a Demokratîke (HDP) Remziye Tosune û îdarekaranê partî ame astengkerdene, destûr nêdîya înan ke tewrê merasimê cenaze bibê. Dimayo ke wecîbeyê ci yê dînî ameyî bicaardene cenazeya gerîla Dijwar Şoreşî hetê keyeyê ci ra Goristanê Yenîkoyî de amî defnkerdene.