Merkezê Çapemenî û Îrtîbatî yê HPGyî derheqê çalakîya Colemêrgî de zanayîş da.

HPGyî da zanayene ke hetê artêşa tirkî ya îşxalkare ra roja 23ê Teşrîna peyêne dormeyê dewa Herkî ya pabesteya qezaya Şemzînan a Colemêrgî de dest bi operasyonêk kerd.

HPGyî vat: “Di heman roje de dorê saeta 09.30 de hêzê ma û yewîyêka nimitîye ya dişmenî raştê yewbînan ameyî û temasêl virazîya. Pêkewtişo ke wextêko kilm dewam kerd de yewîyê kontrayan hetê hêzanê ma ra bi hawayêkê bitesîrî pirodîyayî. Netîceyê pêkewtişî de 2 kontrayî ameyî kiştene, yewîya ma ya gerîla bi hawayêkê saxlemî agêraye bargehê xo.”