Gerîlayan bi Wesayîtê Hewayî yê Bêmerdimî çalakî viraşte

Hêzanê gerîlayî hemverê Alaya Rûbarokî yê Şemzînanî de bi Wesayîtê Hewayî yê Bêmerdimî çalakî viraşte. Hedefî biîsabetî ameyî pirodayene. Netîceyê çalakîye de xeylî merde û birîndarî estî.

Merkezê Çapemenî û Îrtîbatî yê HPGyî derheqê çalakîyanê gerîlayan û hêrişê artêşa Tirkî de eşkerayîyêk daye.

Eşkerayîye de ca dîya nînan:

1ê Çile de saetanê sibayî de hêzanê ma hemverê Alaya Rûbarokî ya Şemzînanî de bi Wesayîtê Hewayî yê Bêmerdimî yê bomba barkerdeyî çalakîyêk viraşte. Hedefî biîsabetî ameyî pirodayene. Netîceyê çalakîye de xeylî merde û birîndarî estî, la hûmara ci nêameye zelalkerdene. Çalakî ra dima artêşa Tirkî dormeyê alayî de dest bi operasyonî kerd.

Teyareyanê şerî yê artêşa Tirkî 2ê Çile de hêrişê Wareyê Pawitişî yê Medya kerd. Goreyê naye;

Cemê sibayî herêmê Gundê Filleha, Gundê Sida, Şehît Şahîn, Karker û Çemço yê pabesteyê Zapî û dormeyê awa Zapî ameyî bombardûmankerdene.

Cemê şanî de zî herêma Dola Konferansî ya pabesteya Avaşînî û dewa Gisê ya pabesteya herêma Garê ameyî bombardûmankerdene.

Netîceyê bombardûmanan de rez û bexçeyanê şarî zirar dî, la vîndîbîyayeyê ma çîn ê.‘‘