Gerîlayî: Ma do heme hêrişan veng vejê
Gerîlayan bi qerardarîya pîle ard ziwan ke ê do sey her wextî reyna heme hêrişanê dewleta tirkî veng vejê.
Gerîlayan bi qerardarîya pîle ard ziwan ke ê do sey her wextî reyna heme hêrişanê dewleta tirkî veng vejê.
Gerîlayê HPG û YJA Starî ke Şemzînan de yê ANFyî rê qisey kerd. Garîlayan da zanayene ke mucadeleyê 40 serran ê PKKyî bîyo umîdê şaran û îtîqatanê Rojakewtena Mîyanêne.
PKK VERA KOLONYALÎSTÎYE RUHÊ SEREWEDARTIŞÎ YO
Gerîlayê HPGyî Sîpan Araratî PKK sey aktorêkê pîlî yê Kurdîstanî û Rojakewtena Mîyanêne name kerd û va: ‘‘PKK bi mucadeleyê xo yê 40 serran bîyo umîdê heme şaranê bindestan. PKK vera kolonyalîstîye ruhê serewedartişî yo. Sembolê azadîye yê şaran o. PKKyî bi hezaran şehîdî dayî û heta ewro ame. Ewro ronayîşê PKKyî sey roşanî yeno pîrozkerdene. Pîrozkerdişê 27ê Teşrîna peyêne wayîrvejîyayîşê mucadeleyê şehîdan îfade keno.‘‘
PKK 40 SERRÎ YO NÊVINDERT DO MEVINDERO ZÎ
Gerîlaya YJAStarî Ulkem Nusaybîne zî ard ziwan ke rayraşîyayîşê azadîye yê gerîlayan bêmabên dewam keno û wina dewam kerd: ‘‘Gerîla dişmenî ra vano ke rixmê heme hêzê teknîkî ti nêeşkenî ma vindarnî. PKK 40 serrî yo nêvindert do mevindero zî.‘‘
PKK XETA XOVERDAYÎŞÎ YA ESTBÎYAYÎŞÎ YO
Gerîlayê HPGyî Dijwar Sîîrtî zî vist vîrî ke bi PKKyî merdimîye ke Kurdistan de ameyebî binlingkerdene newe ra ameye ganîkerdene û va: ‘‘PKK hemverê tarîtîye û koletîye de biyo nameyê mucadeleyî. Tarîxê ronayîşê PKKyî kolonyalîstan ra hesabpersayîş û îradeyê xopawitiş û ramotişê azadîye yo. Coka tarîxê kurdan de sey Roşanê Ganebîyayîşî ca girewto.‘‘
PKK RUH Û ÎRADEYÊ SERKEWTIŞÎ YO
Gerîlayê HPGyî Egît Rojhilatî zî PKK vera polîtîkaya îmha û înkarî sey vejîyayîşê komelkî name kerd û wina va: ‘‘Bi PKKyî îrade û ruhê serkewtişî vejîya meydan. Ma do bi nê ruh û îradeyî hemverê faşîzmê AKP-MHPyî de mucadeleyî xurt bikerê û sey her wextî, ewro ra tepîya zî heme hêrişanê înan pûç vejê.‘‘