Gerîlayanê HPG û YJA STARî bale ante qezencanê 40 serran ê PKKyî ser û da zanayene ke seba ke serra 41. bibo serra serkewtişî ê do mucadeleyî xurt bikerî.

Gerîlayanê HPG û YJA STARî ke ANFyî rê qisey kerd ronayîşê PKKyî şehîdan, sere de şarê Kurdîstan heme şaran û Rayberê Şarê Kurdî Abdullah Ocalanî rê fîraz kerd û reyna qerarîya mucadeleyî ard ziwan.

YA SERKEWTIŞ YA SERKEWTIŞ!

Hêvidar Şirvane: Mucadeleyê ma rixmê heme hêrişan 40 serrî yo dewam keno. Çimê heme dinya ma ser o. Hêzê serdestî pawenê ke PKK biqedîyo. La PKK çend şino gird beno. Her wext vera dişmenî cewabê ma esto. Ma bi qerarîya pîle vane ke bê serkewtiş yewna rayîr çîn o. Ya serkewtiş ya serkewtiş.

PKK CUYEYA  AZADE ESAS GENA

Çekdar Artêş: Bi PKKyî ruh, îrade, heyecan, umid, cuye, azadîye û mucaleyê kurdan yeno vîrê ma. 40 serrî yo dewleta tirkî bi ûsulanê leyşinan hêrişê şarê kurdî û têgêrayîşê azadîye kena. Konseptê psîkolojîk û lejê taybetî 1978 ra dewam kenî. PKK cuyeya azade esas geno û ruhêko bihelqî yo. Aye ra her tim bi girdbîyayîşî rayîrê xo rê dewam keno.

PKK NÊQEDÎYENO  HER TIM GIRD BENO

Hûseyin Taxikê: Dişmen her serre vano ‘Ma do peynîya PKKyî biyarê‘ la PKK çend şino gird beno. Çalakîyê gerîlayî û xoverdayîşê şarê kurdî her kes vîneno. Dişmen xora koyanê Kurdîstanî de vîndî kerdo. Mucadeleyê ma do dewam bikero. Se beno wa bibo seba ma serra 41. do bibo serra serkewtişî.

DIŞMEN VÎNDÎ KENO

Xalis Amed: Bi tarîxê 27ê Teşrîna peyêne şarêk reyna wiriştê lingan ser. Bi kedê Rayberîye û şehîdanê ma no mucadele heta ewro ame. Kurdîstan de dişmen rê cayê cuye nêmendo. Her hetî ra vîndî kerdo. Ma sey gerîlayê HPG û mîlîtanê PKK û Rayberîye serra 41. de azadîya Rayberîye hedef kenî.

MÎLÎTANÊ PKKYÎ BÎYAYÎŞ ŞANS O

Nûda Sasone: PKKyî her hetî ra morê xo dayo pelenê tarîxî rê. Şexsê PKKyî de ruhê şarî yo xoverdayox reyna biyo ganî. Xeyrê şehîdanê ma, ma heta ewro ameyî. Têgêrayîşê azadîye de ca girewtiş û mîlîtanê PKKyî bîyayîş seba ma şansêko gird o.