Merkezê Çapemenî û Îrtîbatî yê HPGyî derheqê çalakîyanê gerîlayan de û hêrişanê hewayîyan de eşkerayîyêka nûştekîye daye.

HPGyî da zanayene ke no wextêk o artêşa tirkî ya îşxalkare mabênê dewanê Kendalok û Alîyawa ya qezaya Geverî ya Colemêrgî de rayîrê asayîşî virazena û nê vatî: “Hêzanê ma roja 30ê Teşrîna peyêne saet 19.40 de hemverê 2 dozeranê ke aîdê leşkeran bîyî û viraştişê rayîrê asayîşî de ameyêne şuxulnayene çalakîyêka sabotajî viraşte. Netîceyê çalakîye de her di wesayîtî zî bi temamî ameyî îmhakerdene, hûmara leşkeranê kişte û birîndaran nêamî tesbîtkerdene. Artêşa tirkî ya îşxalkare çalakîye ra dima bi sîlehanê giranan wareyî ser o raşte raşt guleyî varnayî.”

HPGyî derheqê hêrişanê hewayîyan de zî ca da nê hayîdarîyan:

''Teyareyanê şerî yê aîdê artêşa tirkî ya îşxalkare roja 28ê Teşrîna peyêne mabênê saetanê 14.00 û 14.30 de wareyê Babîlî yê pabesteyê herêma Gare ya Wareyê Pawitişî yê Medya bombardûman kerd. Tu vîndîbîyayeyêk ma netîceyê nê bombardûmanî de nîvirazîya.

Roja 29ê Teşrîna peyêne saet 16.10 de teyareyanê şerî wareyê Şehîd Kendalî yê pabesteyê herêma Heftanînî ke aye zî Wareyê Pawitişî yê Medya ra ya bombardûman kerd. Nê hêrişî de yew embazê ma şehîd kewt. Hayîdarîyê nasnameyê embazê ma yo ke şehîd kewto do dima ra rayapêroyîye dir bêrê parekerdene.”