‘Hemleya Şorişgêrî ya Şehîd Agirî û Şehîd Pîroze‘ ya HPGyî qedîyaye

Fermandaranê Qerargehê Merkezî yê Pawitişê Şarî yê HPGyî ra Amed Malazgîrtî da zanayene ke înan Hemleya Şehîd Agirîyî û Şehîd Pîroze bi serkewtişî qedînaya.

Fermandaranê Qerargehê Merkezî yê Pawitişê Şarî yê HPGyî ra Amed Malazgîrtî  24ê Teşrîna verêne de bi telsîzî Hêzê Saha yê Zagrosî yê HPGyî de qisey kerd û da zanayene ke Hemleya Şehîd Agirîyî û Şehîd Pîroze ke bi serkewtişî resaya amacê xo înan hemle qedînaya.

'AKP QAYDEYANÊ ŞERRÎ NAS NÊKENO'

Malazgîrtî vist vîrî ke dewleta tirkî qaydeyanê şerrî nêşinasnena, bi metodanê bêexlaqî û polîtîkaya leyşin wazena ke serkewtiş dest bifîno û wina dewam kerd: ‘‘Rixmê heme hêriş û kayanê leyminanê dişmenî, vernî de vindertişê Rayberê ma, çoknêdayîşê şarê ma û vera polîtîkaya teslîmîyetî mucadeleyê xoverdayoxanê zîndanan planê çînkerdişê kurdan ê dişmenî pûç vetî.‘‘

Malazgîrtî xoverdayîşê gerîlayan ser zî nê vatî: ‘‘Vernî de gerîlayê Vakurî, Botan ra heta Amedî, Karadenîz ra heta Amanosan, Dêrsim ra heta Serhatî xoverdayîşê gerîlayî ke her ca ra vila bîyo konseptê hêrişî pûç vet.‘‘

'ŞARÊ MA PLANÊ DEWLETA TIRKÎ PÛÇ VETÎ'

Malazgîrtî qiseykerdişê xo rê wina dewam kerd: ‘‘Vera konseptê dewleta tirkî Hêzanê Saha yê Zagrosî 9ê Gulan a 2018î de dest bi Hamleya Şorişgêrî ya Şehîd Agirî  û Şehîd Pîroze kerde. Gerîlayanê ma bi fedekarîya pîle Zap ra heta Cîlo, Avaşîn ra heta Xaxurkê hema hema her ca de çalakîyê serkewteyî viraştî. Herêmanê Qilê Lêlîkan, Evdilkovî, Elîdirêj û Gelîyê Reşî yê mintiqaya  Bradostî, mintiqaya Barzan de Qilê Xwedê, herêmanê Govendê , Basya û Elîşerî yê Şemzînanî, Xeta rayîrê Colemêrg- Çelê- Geverî de; Herêmanê Cîlo, Çarçela, Gelîyê Doskî, Ş. Fîkretî û Herkî. Reyna herêmanê  Qilê Koordîne, Xergol û Ertûşî de hêzanê ma bi fedakarîya girde û cesaretê xurtî çalakîyê bitesîrî viraştî û vera dişmenî ser kewtî.

'395 ÇALAKÎYAN DE 1.149 ÎŞXALKARÎ AMEYÎ KIŞTENE'

Malazgîrtî derheqê bîlançoya şerrî  de zî wina va: ‘‘Nê demî de gerîlayan 395 çalakîyî viraştî. Nê çalakîyan de 1.149 îşxalkarî ameyî kiştene û 32 wesayîtê zirxinî ameyî îmhakerdene.‘‘

Malazgîrtî da zanayene ke Hemleya Şehîd Agirîyî û Şehîd Pîroze 22ê Teşrîna verêne de Koyanê Lêlîkan û Koordîne yê Sîdekanî de bi çalakîyanê serkewteyan ameya qedînayene û gerîlayanê ke nê her di çalakîyî viraştî ê zî fîraz kerdî.

‘HEZANÊ YJA-STAR Û HBDHYÎ FÎRAZ KENA‘

Malazgîrtî  ard ziwan ke hêzanê YJA-STARî zî  hemle de rolêko gird kay kerd  û hêzanê HBDHyî bi paştgêrîya şorişgêrî  nîmûneyêko rind ramot û hêzê YJA-STARî û HBDHyî fîraz kerdî.

ŞEHÎDÎ AMEYÎ YADKERDENE

Malazgîrtî gerîlayê ke hemle de bi fedakarî ya mucadale kerd û tewrê kerwanê şehîdan bîyê yê zî yad kerdî û vat ke xêrê şehîdan  înan serkewtiş visto dest.

‘DEMO KE MA YA VER O  HÎNA HESAS O‘

Malazgîrtî da zanayene ke demêko germêr û giranêr înan paweno û hêzanê gerîlayan ra waşt ke wa xo xeta serkewtişî ya Ocalanî de goreyê hesasîyetê demî, hadre bikerî.