'TECRÎD SÛCÊKO HEMVERÊ MERDIMAYÎ YO!’

Hemsereka HDPyî ya Sûrî Sevîm Coşkune ard ziwan ke tecrîdê Îmralî 19 serrî yo bêmabên dewam keno û vat: „Tecrîd sûcêko hemverê merdimayî de yo û Tirkîya ver bi kaosî beno.“

Coşkune wina dewam kerd „Serdestî wazenê ke têkilîya cimatî Rayber Ocalanî ra bivisnê. Mabênê Rayber Ocalan û cimatî de dês ronê.“

Hemserekê HDPyî yê qezaya Sûrî ya Amedî Sevîm Coşkune  û Mehmet Alî Altinkaynakî veng da Komîteya Vernîrocigirewtişê Îşkenceyî ya Konseya Ewropa ke wayîrê ro mesuldarîya xo vejîyê û şirê Îmralî.  

Hemserekê HDPyî yê qezaya Sûrî ya Amedî Sevîm Coşkune  û Mehmet Alî Altinkaynakî veng da Komîteya Vernîrocigirewtişê Îşkenceyî ya Konseya Ewropa ke wayîrê ro mesuldarîya xo vejîyê û şirê Îmralî.  

Coşkune ard ziwan ke azadîya Ocalanî temînatê aşitîye yo û qiseykerdişê xo wina domna: „27ê Temmûze yê 2011î ra heta ewro pawitoxê ci, nizdê 3 serrî yê zî keyeyê ci nêeşkenê şirê pêdîyayîşê Ocalanî. Ganî no tecrîdo giran tavilî bêro wedartene.“

 'TECRÎD DO BI MUCADELE Û ÎRADEYÊ ŞARÊ KURDÎ BÊRO ŞIKTENE'

Hemserek Mehmet Alî Altinkaynakî zî hemverê tecrîdî de reaksîyon ramot û vat: „Birêz Ocalanî ser o serra 1999 ra heta nika tecrîd yeno tetbîqkerdene. Tecrîd huqûqî nêyo û teberê heme peymananê mîyan-neteweyîyan de yo. No tecrîd tenya Ocalanî ser o nê, heme şaranê rojhelatê mîyanênî ser o yo. No tecrîd do bi hêz û mucadeleyê şarê kurdî bişikyo.“

'FIKRÊ MÎLYONAN NÊEŞKENO BÊRO TECRÎDKERDENE'

Altinkaynakî ard ziwan ke dewlete wazena vernîya fikranê Ocalanî bigiro û vat: „Birêz Ocalan merdimêko alelade nêyo, rayberê şaranê Kurdistanî yo. Naye ra çew nêeşkeno îrade û fikrê mîlyonan tecrîd bikero. Fikrê Ocalanî seva aşitî û huzûrî yê. Naye ra tecrîd de yeno israrkerdene.“

'BÊVENGÎ HEMPARÎYA TECRÎDÎ YA'

Altinkaynakî ard ziwan ke amacê AKPyî bi polîtîkaya tecrîdî qirkerdişê kurdan o û wina dewam kerd: „40 serrî yo ke kurdan ser o qrikerdiş esto. Dewlete bi tecrîd hêrişê kultur, ziwan û nasnameyê kurdan kena. Çende tecrîd beno giran qirkerdişê ke Kurdistan de yê zî hende benê vêşî. Ganî AÎHM û CPT wezîfeyê xo bica biyarê, Îmralî de cigeyrayîş bikerê.“