Heskîf de qirkerdişê xoza û tarîxî

Kurdistan de vera xoza û tarîxî hêrişê qirkerdişî yê AKPyî dewam kenî.

Rîyê viraştişê Barajê Ilisu ra qezaya Heskîfî ya Êlîhî ke wayîrê tarîxê des hezaranî ya  yena çînkerdene. Çarçiwaya xebatanê kiriştişî de heta nika Turbeya Zeynelbeyî, Hemamê Artuklu û tewr peynî de zî Turbeyê Îmam Abdullahî ameyî kiriştene. Qismê eyvanî yê Turbeyî bi giraneyê ci 265 tonî yo bi wesayîtê SPTMyî ame kiriştne.

Heto bîn ra berê Qelaya Roma ya Heskîfî vizêr cayê cira ame raqilnayene û yeno pawitene ke ewro bişawîyo cayê ci yê newe.

XOZA Û TARÎXÎ YENÎ ÇÎNKERDENE

Hukmatê AKPyî seba rantê xo xoza û tarîxî çîn taxrîp keno. Darê ke cuwa ver ameyîbî kiriştene, biyê wişk û cayo newe ke eserî tede yene cakerdene kes zîyaret nêkeno.