Temsîlkarîya HDPyî ya Başûrê Kurdistanî seba paştîdayîşê grevê vêşanîye yo ke hetê hemsereka KCDyî Leyla Guvene ra semedê baleantişê tecrîdê serê Ocalanî amebi destpêkerdene çalakîya grevê vêşanîye da destpêkerdene.
Hewlêr de bi serkêşîya Temsîlkarîya HDPyî ya Başûrê Kurdistanî seba baleantişê tecrîdê serê Rayberê Şarê Kurdî Abdullah Ocalanî grevê vêşanîye ame destpêkerdene.
Dimayê kombîyayîşê çapemenîye ke temsîlkarîya HDPyî de ame viraştene endamanê HDPyî û xeylî hemwelatijan dest bi grevê vêşanîye yê bêwext û açarîyayoxî kerd.
Temsîlkara HDPyî yê Başûrê Kurdistanî Muzeyyen Guneşe vat heta Ocalanî ra xebere bêro girewtene do çalakîyanê xo bidomnê. Guneşe wina vat: “Seba Ocalanî bicanêradişê qanûn û prensîbanê heqanê merdiman nêno qebûlkerdene. Çalakîyê ma do hemverê polîtîkayanê dewleta tirkî de dewam bikerê.”
