Hêzanê YJA STARî û KBDHyî ra hemverê qereqolî de çalakî

Çarçiwaya Hemleya Serkewtişî ya Şorişgêre ke Eyaletê Serhedî de amîya destpêkerdene hêzanê YJA STAR û KBDHyî hemverê Qereqolê Korxanî de çalakîyêk viraşte. Çalakîye de di wesayîtanê zirxinan derbe girewt, 2 kontrayî ameyî kiştene.

Merkezê Çapemenî û Îrtîbatî yê HPGyî netîceyê çalakîyanê gerîlayan ê Colemêrgî eşkera kerdî.

HPGyî da zanayene ke roja 20ê Teşrîna peyêne saet 09.00 de çarçiwaya Hemleya Serkewtişî ya Şorişgêre ke Eyaletê Serhedî de hetê hêzanê înan ra amîya destpêkerdene de qezaya Başanî ya Îdirî de hemverê Qereqolê Korxanî de hetê hêzanê YJA STAR û KBDHyî ra çalakîyêk amîya viraştene. HPGyî vat “Qereqolê dişmenî û wesayîtê zirxinî yê ke seba paştîdayîşî ameybî 2 qolan bi hawayêkê bitesîrî ameyî pawanayene, netîceyê çalakîye de 2 wesayîtanê zirxinan derbe girewt, 2 kontrayî ameyî kiştene û 1 kontra zî birîndar bi.”  

ŞEMZÎNAN DE ÇALAKÎ

HPGyî derheqê çalakîya ke Şemzînan de amîya viraştene zî nê vatî: “Roja 20ê Teşrîna peyêne saet 18.00 de wesayîto ke aîdê kontrayê bi nameyê Mehmet Alî Ozturkî bi û Qereqolê Dûrê yê pabesteyê qezaya Şemzînan a Colemêrgî ra ver bi kampa Dêye ke merkezê kontroyan a şîyêne hetê hêzanê ma ra ame hedefgirewtene. Kontrayo ke zereyê wesayîtî de bi zereyê wesayîtî ra rema û ver bi nîzamîye şi. Hêzê ma şîyî wesayît kontrol kerd û dest da 2 hebî damençe, 1 heb sîlehê AK-47 (Kalaşnîkof), 2 hebî durvînê pêmawitişê mesafeyî, 2 hebî çenteyî û xeylî dokumentan ser û wesayît vêşna, bi temamî îmha kerd.”