Artêşa tirkî Mêrdîn û Colemêrg de derbe werde: 15 leşkerî merdî

HPGyî da zanayene ke çalakîyanê Mêrdîn û Colemêrgî de 15 leşkerê tirkî ameyî kiştene. Eşkerayî de derheqê hêrişê hawayî yê vera Wareyanê Pawitişî yê Medya de zî zanayîş dîya.

Eşkerayîya HPGyî wina ya:

STEWRÊ MÊRDÎNÎ DE ÇALAKÎ: 8 MERDE, 17 BIRINDARÎ

 ‘’Çarçîweya Hamleya Şorişgêre ya Şehîd Pîroze û Şehîd Agirî de hêzanê ma 11ê Teşrîna verêne de saetanê şanî de herêma Ewêna ya  Stewrê Mêrdînî de konvoyêk ê artêşa tirkî ke vejîyabi operasyonî ci rê çalakîyêk viraşt. Heme wasayîtê ke konvoyî de bî di hetan ra  hedef ameyî girewtine. Çalakî de di wesayîtê zirxin ameyî îmhakerdene û tesbîtkerde 8 leşkerî ameyî kiştene 7 zî birindar bîyê. Operasyon hema dewam keno.

Na çalakîya serkewtî ya hêzanê ma ke derbe dayo dîşmenî rê, dewleta tirkî ya îşxalkare  bi destê medyaya hawuzî  sey xebareka zûre  servîz kerd û vato ke  ‘vîrye ginayo qeraqolî rê û 4 leşkerî merdî. ‘

GEVERÊ COLEMÊRGÎ DE 7 LEŞKERÎ AMEYÎ KIŞTENE

‘’Çarçîweya Hamleya Şorişgêre ya Şehîd Pîroze û Şehîd Agirî de hêzanê ma 18ê Teşrîna verêne de saetanê cemê şanî de herêma Çarçella ya Geverê Colemêrgî de vera  arteşa tirkî ya îşxalkarî çalakîyêk viraşt. Çalakîye de 7 leşkerî ameyî kiştene.  Çalakî ra dima artêşa tirkî derdormarê bombardûman kerd û bado zî meyîtê xo dayî arê.

HÊRIŞÊ HAWAYÎ

Teyareyanê şerî  yê artêşa tirkî Wareyanê Pawitişî yê Medya ra tayî cayî bobardûman kerdî.17ê Teşrîna verêne saetanê cemê şanî de  herêma Metîna ra Qilê Colemêrgî, 18ê Teşrîna verêne saetanê sibayî de herêma Zapî ra Gundê Filleha, cemê şanî zî Karker, Çemço û Rençberaga û Qilê Şerî yê Qendîlî ameyî bombardûman kerdene. Hêrişan de vîndîbîyayîşê gerîlayan çîn o. Bombardûmanî ra hegayanê şarî  zirar dî.