Merkezê Îrtîbat û Çapemenîya HPGyî bi eşerayîyêka nuştekî derheqê çalakîya Colemêrgî zanayîş da.

Eşkerayîya HPGyî wina ya:

Çarçeweya Hamleya Şorişgêrî ya Şehîd Pîroze û Şehîd Agirî de artêşa tirkî rê çalakîyî ameyî viraştene.

Goreyê naye; 9ê teşrîna verêne de (ewro) saete 09.30 de Qilê Koordîne ya qezaya Çelê ya Colemêrgî de hêzê îşxalkaran rê çalakîyêk ameye viraştene. Çalakîya têsîrin de 6 leşkerî ameyî kiştene. Artêşa tirkî çalakî ra dima bi helîkopter, obus û havanan dorme bombardûman kerd.

8ê teşrîna verêne de zî hêzê ma yê YJA-Starî hûnca Çelê de saetanê nême roje de Qeraqolê Şikêr hedef girewt. Çalakîya sûîqastî de ke 8 leşkeran rê bîyê, leşkerêk ame kiştene.

Eynî roje saetanê cem şanî de hêzê ma yê YJA-Starî qezaya Şezînanî yê Colemêrgî de çalakîyêk viraşt. Qilê Şikêrê Sipî de mewzîyê îşxalkaran gerîyayî binê adirî, la derheqê hûmarê merde û birindar leşkeran de zanayîş dest nêkewt.

HERÎŞÊ HAWAYÎ

8ê teşrîna verêne teyaranê şerî yê artêşa tirkî Herêma Pawitişî yê Medya ra Zapî bombardûman kerd. Herême Şehîd Rustemî, dewê Kunişka û Rencberaga, herêma Werxelê ameyî bombardûman kerdene. Reyna eynî roje saetanê cêm şanî de teyaranê şerî herêma Mam Reşo ya Avaşîn bombardûman kerd.