Merkezê Çapemenî û Îrtîbatî yê HPGyî da zanayene ke 9ê Teşrîna peyêne de saetanê şanî de û 10ê Teşrîna peyêne de saetanê sibayî de 6 bargehî cîyayî yê artêşa tikrî û Walîtîya Şirnexî hetê gerîlayan ra ameyî pirodayene.
Hîrayîya eşkerayîye de ca dîya nînan:
‘‘Qilê Silorî yê dewa Bêsosinî yê pabesteyê Şemzînanî, Qilê Sungu yê dewa Ortaklarî, Tugaya Komandoyê Koyî yê Colemêrgî, Herêma Merkezî ya Fermandarîya Tumenî yê 23. yê Şirnexî, Tabûrê Tankî yê Cizîrî, Herêma Kombîyayîşê Leşkeran ya Hacilarî yê Silopî û Qereqolê Sînorî yê Şehîd Mesûtî yê Silopî bitesîr ameyî pirodayene. Saet 9ine ra 5 vertêne de zî verê Walîtîya Şirnexî de eştişêko yewrey ameyo kerdene.‘‘
Dewamê eşkerayîye de nînan ca girewt:
‘‘Bi teknîk û taktîkêkê neweyî hemleya şorişgêrî ke ameya destpêkerdene de vîndîbîyayeyê dişmenî zaf ê. La sey her wextî dişmenî vîndîbîyayeyê xo nimitê. Tena Qilê Silorî yê Bêsosinî de 7 vîndîbîyaye, 25 zî birîndarî qebûl kerdî. La goreyê çimeyanê ma; na çalakîye de 17 merdeyî, 37 birîndarî û 9 vîndîbîyayeyê artêşa tirkî estî.‘‘
Na hemleya çalakîyan şexsê hemrayanê ma Atakan Mahîr û Zekî Şengalî de embazê ma yê ke demê peyênî de şehîd kewtî înan rê ameye xelatkerdene.‘‘