HPGyî derheqê çalakîyan ê ke şewa serrneweyî ra dest pêkerdî de zanayîş da.
HPGyî da pêhesnayene ke 1ê Çile de Şirnex, Colemêrg û Idir de xeylî çalakîyî ameyî viraştene û vat ke hêzanê ma waşt ke bi çalakîyan serra newî ya şarê ma û heme hetî ke vera faşîzmî xo verdanê silam bikerê.
Eşkerayîye de ca dîya nînan:
‘‘Qezaya Cizîr û Silopî yê Şirnexî de hêzanê ma saet 00.00 de hemverê artêşa Tirkî ya îşxalkarî de xeylî çalakîyî viraştî. Na çarçawe de 2 bombayî Banê Asayîşî yê Cizîrî, 1 bomba Fermandarîya Lojmananê Jandarma ya Cizîrî rê û 2 bombayî zî Tabûrê Hacilarî yê Silopî rê temamî de 5 hebî bombayî bi teyareyan ameyî eştene û biîsabetî resayî hedefê xo . Heme çalakîyan de merde û birîndarê dişmenî estî la hûmara ci nêameye zelalkerdene.
Reyna heman saate de hêzanêma Çelê ya Colemêrgî de zî Qilê Koordîne de hemverê îşxalkaranê Tirkî de çalakîyêk viraşte. Stargeh û mewzîyê dişmenî bi tesîrî ameyî pirodayene, la hûmara kişte û birîndaran nêameye tesbîtkerdene.
Saat 12.00 de hêzanê ma hemverê Qeraqolê Korxanî yê Idir de çalakîyêk viraşte. Mewzîyê û qûleyî mesafeyo nêzdî ra bi tesîrî ameyî prodayene. Çalakîye de quleyêk temamî de ame îmhakerdene û tesbîtkerde 2 leşkerê dişmenî ameyî kiştene. Çalakî ra dima wesayîtê zirxinî û wesayîtê leşkeran ê ke semedê mudaxaleyî ameyî, ê zî bîyê hedefê hêzanê ma. Hêzanê ma yewîya dişmenî ser o guleyî varnayî, 2 leşkerî ameyî kiştene. Hêzanê îşxalkaran ke derbe girewt bi helîkopteran merde û birîndarê xo kiriştî.
Çapemenîya Şerê Taybetî seba xapînayîşê şarî vato ke Cizîr û Silopî de bombayî nêrasayî hedefî. La raştîye de teyareyî biîsabetî resayê hedefê xo. Reyna rixmê Idir dî çalakîya ke gerîlayan bi taktîk û afernayîşî viraşte de temamî de 4 îşxalkarî ameyî kiştene medyaya AKPyî wazena ke netîceyê na çalakî zî têmîyan bikero . Şarê ma ganî goş nêdo xebaranê dişmenî û înan ra bawer mekero.''