Merkezê Çapemenî û Îrtîbatî yê HPGyî da zanayene ke hêzanê dewleta tirkî ya îşxalkare 28ê Teşrîna verêne de qezaya Dara-Hênî ya Çewlîgî de operasyonêk da destpêkerdene û 29ê aşme de herême bobardûman kerde.

Eşkerayîye de nê ameyî parekerdene:

Artêşa tirkî 28ê Teşrîna verêne de dormeyê dewa Mistanî ya qezaya Dara-Hênî ya Çewlîgî de operasyonêk da destpêkerdene. 29ê Teşrîna verêne de saetanê sibayî de teyareyanê şerî yê dewleta tirkî herêma operasyonî bombardûman kerde.  Mabênê yewîya gerîlayanê ma û leşkeranê tirkî de pêkewtişê giranî virazyayî. Nê pêkewtişan de embazê ma Ozan Azra û Rizgar Amed  heta guleyê  xo yê peyênî, bi şerkerdişê qehremanîyî şehîd bîyî. Rizgar Dêrahenê ( Şîyar Erdem) zî bi birîndarî esîr kewto. Operasyon heman roje de saetanê şanî de peyser ancîya.‘‘

Gerîlayê ke cuya xo vîndî kerde nasnameyê înan  wina yo:

Nameyê Qodî: Ozan Azra Name Peyname: Alî Yapan Cayê Biyayîşî: Amed Maye-Pî: Azîze-Heybet Tarîx û Cayê Şehadetî:  29ê Teşrîna verên a 2018î / Çewlîg

Nameyê Qodî: Rizgar Amed Name Peyname: Nûrûllah Çelîk Cayê Biyayîşî: Amed Maye-Pî: Gulere -Vedat Tarîx û Cayê Şehadetî: 29ê Teşrîna verên a 2018î / Çewlîg