HPG: Gever de 5 leşkerî merdî 2 zî birîndar bîyî

HPGyî da pêhesnayene ke çalakîya gerîlayan ê Geverî de 5 leşkerî ameyî kiştene 2 leşkerî zî birîndar bîyî.

Merkezê Çapemenî û Îrtîbatî yê HPGyî derheqê çalakîya qezaya Qilabanî ya Şirnexî de zanayîş da.

Goreyê eşkerayîye 29ê Teşrîna peyêne de  gerîlayan Qilê Elîşerî de leşkerê tirkî hedef girewtî.

Çalakîye de mewzîyeka dişmenî bi hawayêkê biîsabetî ameyî pirodayene. Netîceyê çalakîye de 5 leşkerî ameyî kiştene û 2 leşkerî zî birîndar bîyî.

Eşkerayîye wina dewam kerde:

''Artêşa Tirkî ya îşxalkare çalakîye ra dima herême bi obus û topanê hewanan bombardûman kerde. Saet 18.00 de teyareyanê şerî yê îşxalkaran herêma Kinyanişî bombardûman kerd. Bombardûman de vîndîbîyayeyê ma çîn ê.

HERÊMA GERÎLAYAN RÊ HÊRIŞÊ HEWAYÎYÎ

Heman roje teyaranê şerî  saetanê sibayî de herêma  Şehîd Adilî yê pabesteyê Zapî , saetanê nîmrojî de dormeyê dewa Girsê ya pabesteyê Gare û saetanê şanî de zî Qilê Colemêrgî yê pabesteyê Metîna bombardûman kerdî.

ZAP DE GERÎLAYÊK CUYA XO VÎNDÎ KERDE

Hêrişê herêma Zapî de gerîlayêk cuya vîndî kerde. Herêmanê bînan de vîndîbîyayeyê ma çîn ê. Ma do nasnameyê  gerîlayê şehîdî  pey ra rayapêroyîye dir pare bikerê.‘‘