Merkezê Çapemenî û Îrtîbatî yê HPGyî bi eşkerayîyêk da pêhesnayene ke gerîlayan Idir de dayo hêzê operasyonî ro.

Eşkerayîye de ca dîya nînan:

‘‘Wextêkê yo artêşa tirkî herêma Kirê Korî ya Idirî de bi yewîyanê nimiteyan dest bi operasyonêk kerd. Saetanê şanî yê 11ê Kanûne de çarçiwaya Hemleya Serkewtişê Şorigêrî de Kirê Sitîla ya ke pabesteya heman herême ya de hemverê yewîyanê nimiteyan de çalakîyêk ameye viraştene. Çalakîya ke bi hawayêkê bitesîrî ameye viraştene de fermandarêkê yewîyêk ame kiştene la derheqê merde û birîndaranê leşkeran de zanayîş nêame girewtene.

Heman wextî de wesayîtê tîpê cemse ke waştê mudaxeleyê çalakîye bikerê o zî ame pirodayene. Cemse ameye derbkerdene la hûmara kişte û birîndaran nêameye tesbîtkerdene. Çalakîye ra dima îşxalaran herême bombardûman kerd la vîndîbîyayeyê ma çîn ê.‘‘