HPG: Lêlîkan de derbeyêka girane dîya îşxalkaran ro

Merkezê Çapemenî û Îrtîbatî yê HPGyî netîceyê çalakîya ke hemverê artêşa tirkî de Lêlîkan de amî viraştene pare kerdî. Eşkerayîye de vajîya ke 8 leşkerî ameyê kiştene.

Merkezê Çapemenî û Îrtîbatê HPGyî netîceyê çalakîya ke 22ê Teşrîna verêne Qilê Lêlîkan ê Başûrê Kurdistanî de hemverê leşkeranê tirkan de amî viraştene eşkera kerdî. HPGyî dan zanayene ke 8 leşkerî ameyê kiştene.

Eşkerayîye de ame vatene ke Çelê de 4, Şemzînan de zî 2 leşkerî ameyê kiştene.

Eşkerayîya ke sîteya HPGyî de ya wina ya :

 ‘Çarçiwaya Hemleya Şorişgêre ya Şehîd Pîroze û Şehîd Agirî de hêzanê ma hemverê artêşa tirkî ya îşxalkare de çalakîyê pîlî viraştî û derbeyê giranî dayî îşxalkaran ro. Detayê çalakîyanê ke ameyî viraştene wina yê:  

Roja 22ê Teşrîna verêne saet 15.00 de hêzanê ma yewîyêka nimitî ya artêşa tirkî ya îşxalkare ke xo nizdê Qilê Lêlîkanî yê Sîdekanê Başûrê Kurdistanî de bica kerdebî hedef girewte. Hêzanê ma mesafeyêkê nizdî ra bi hawayêkê tesîrdarî dayê hêzê dişmenî ro, resayê heta mewzîyanê dişmenî û şîyê serê cenazeyanê xeylî leşkeran. Na çalakîya ke tede 1 tera teymen pêro pîya 8 leşkerê îşxalkarî kişîyayî, 1 adet sîlehê BKCyî, 1 adet sîlehê MPT-76î, 1 adet dedektora mayîne, 1 adet durvîna termale û 1 adet zî durvîna şewe hetê hêzanê ma ra ameyî destfînayene. Artêşa tirkî ya îşxalkare dimayê çalakîye ra bi paştîdayîşê helîkopteranê hêrişî xeylî rey leşkerê xo yê merde û birîndarî wareyî ra berdê.     

ÇELÊ DE 4 LEŞKERÎ KIŞÎYAYÎ

Heman roje saet 14.00 de hêzanê ma hemverê leşkeranê dişmenî yê ke Qilê Şehîd Bagerî yê nizdê Qilê Koordîne yê pabesteyê Çelê ya Colemêrgî de bica bîbî çalakîyêk viraşte. Netîceyê panayîşanê tesîrdaran de 1 mewzîya sîlehanê giranan bi temamî amî îmhakerdene, 4 leşkerî kişîyayî û 2 leşkerî zî birîndar bîyî. Heman wextî de 1 adet droneyo ke dormeyê qilî de perayîşê keşfî kerdêne zî hetê hêzanê ma ra ame fînayene. Na çalakîye ra dima ancî heman wareyî de saet 17.30 de hetê hêzanê ma ra hemverê leşkeranê îşxalkaran çalakîyêka sabotajî amî viraştene. Na çalakî de hûmara leşkeranê kişte û birîndaran nêamî tesbîtkerdene.  

ŞEMZÎNAN DE 1 LEŞKER AME KIŞTENE

Roja 21ê Teşrîna verêne saet 12.00 de hêzanê ma hemverê leşkeranê ke Qilê Şikêrî, ke pabesteyê qereqola Bezelê ya qezaya Şemzînan ê Colemêrgî yo, ra kewtîbî arazî çalakîyêk viraşte. Na çalakîye de ke yewîya dişmenî gîrîyabî binê gulevaranêkê kesifî 1 leşkerê dişmenî ame kiştene.“