Merkezê Îrtîbatî û Çapemenîya HPGyî bi eşkerayîyêk derheqê operasyonê  dewleta tirkî ê Licê de zanayîş da.

Eşkerayî de nê ameyî parekerdene:

‘‘ 26ê Êlule de artêşa tirkî qezayanê Licê û Hêne yê Amedî de bado zî herêma Apê Mûsayî de operasyonêk da destpêkerdene. Arazî de yewîyê nimiteyî ameyî cakerdene û 2ê Teşrîna verêne de helîkopteran herême bomberdiman kerde. Bado zî bi Skorskyan leşkerî kirişîyayî herême û mabênê hêzanê ma û yewîyanê dişmenî de pêkewtişanê giranan destpêkerdî. Nê pêkewtişan de yew embazê ma bi xoverdayîşêkê qehremanîyî şehîd kewt.

Nasnameyê embazê ma wina yo:

5ê Teşrîna verêne de saetanê cemê şanî de hêzanê ma herêma Apê Mûsayî de vera artêşa tirkî çalakîyêk viraşte. Wesayîtêko tîpê Amarokî ame îmhakerdene û serkomserêk û 3 endamê îstîxbaratî ameyî kiştene. Îşxalkaran çalakî ra dima dormeyê xo bomberdiman kerd û bado zî meyîtê xo arê dayî.

Nê qewimîyayîşan ra dima bi koordînekerdişê artêşa tirkî, Walîtîya Amedî û Fermandarîya Kolordû ya 7. 4ê Teşrîna verêne de 65 dewanê Licê û Hêne de qedexeyê tebervejîyayîşî ame îlankerdene. Bado zî bi tewrbîyayîşê tîmo taybet, endamanê îstîxbarat û qorucîyan operasyon ame hîrakerdene. 10 ê Teşrîna verêne de artêşa tirkî qismêkê cayê operasyonî ra xo ant la arazî de yewîyê nimiteyî verdayî.

15ê Teşrîna verêne de hêzê îşxalkarî dewanê Kelê, Biryas, Cumaleş, Mehmê, Şelê, Cahît, Derkam, Elnehîr, Hegasor û Labovîtê yê Licê û Hêne de  dest bi operasyonêkê  hîrayî kerd. Îşxalkaran şarî rê zext, heqaret û îşkence kerdo. Bi nê hêrişan wazene ke dewijî bitersî û dewanê  xo terk bikerî.‘‘