Merkezê Çapemenî û Îrtîbatî yê HPGyî  bi eşkerayîyêka nuştekîye da zanayene ke gerîlayan 25ê Teşrîna verêne de hemverê  hêzanê tirkî yê îşxalkarî de çar çalakîye cîya viraştî û derheqê çalakîyan de zanayîşo hîra da.

Ekerayîya HPGyî wina ya:

SÎDEKAN DE 5 MEWZÎ AMEYÎ ÎMHAKERDENE: 14 MERDEYÎ

‘‘25ê Teşrîna verêne de hêzanê ma saetanê sibayî de Sîdekan ke herra Başûrê Kurdîstanî de ya de çalakîyêk viraşte. Qirekê Elî Drejî de mewzîyê dişmenî bi tesîrî ameyî pirodayene. Çalakî de 5 mewzîyî ameyî îmhakerdene û 14 leşkerî ameyî kiştene. Reyna droneyêk zî hetê hêzanê ma ra ameyî wardayene. Çalakî ra dima teyaranê şerrî herême bombardûman kerd. Bado zî îxalkaran bi helîkopteran merde û birîndarê xo kiriştî.

ÇELÊ DE HÎRÊ ÇALAKÎ: 3 MEWZÎ AMEYÎ ÎMHAKERDENE, 4 LEŞKERÎ AMEYÎ KIŞTENE

Heman roje de hêzanê ma Qilê Xergolî yê qezaya Çelê ya Colemêrgî de ser sibayî ra heta nemêroce hîrê çalakî viraşte. Her hîrê çalakîyan de hêzanê ma mewzîyanî dişmenî ser o adir varna. Netîceyê nê çalakîyan de  3 mewzî ameyî îmhakerde û 4 leşkerî ameyî kiştene.

CÛDÎ DE DI QOLAN RA ÇALAKÎ

Roja 23ê Teşrîna verêne de hêzanê dewleta tirkî dewanê Kursê Keça, Qilê Yıldızî û Akêtî ke dormeyê  Koyê Cûdî yê Şirnexî de yê de operasyonêk da destpêkerdene. Hêzanê ma Çarçîweya Hamleya Şorişgêrî ya Şehîd Delal Amede û Şehîdanê Besta de  24ê Teşrîna verêne de Qilê Yildizî de hemverê dişmenî de di qolan ra çalakîyêk viraşte la hûmara merde û birîndaran nêame zelalkerdene. Artêşa tirkî saeatanê cêmşanî de destveng peyser ancîyaye.‘‘