Merkezê Îrtîbat û Çapemenîya HPGyî (HPG-BÎM) bi îzehetêko nuştekî da zanayene ke hêzanê gerîlayan Başûrê Kurdîstan û Silopî de çalakîyî viraştî û netîceyê çalakîyan de 9 leşkerî û 2 kontrayî kişîyayî. HPG-BÎMî dîyar kerdo ke netîceyê bombardumanî de qezaya Hawêlî ya Sêrtî de 3 gerîlayî şehîd bîyî.

Îzehetê HPG-BÎMî wina yo:

LÊLIKAN DE 3 LEŞKERÎ KIŞÎYAYÎ

“Çarçewaya Hemleya Şorişgêrî ya Şehîd Pîroze û Şehîd Agirî de hêzanê ma vera leşkerê ke erdê Başûrê Kurdîstanî dagîr kerdî de çalakîyî viraştî. Hêzanê ma nizdîyê gire Şehîd Şervanî de vera leşkeran de çalakîya sabotajî viraşta û 3 leşkerî kişîyayî.

SÎDEKAN DE 6 LEŞKERÎ KIŞÎYAYÎ

Hêzanê ma 28ê êlule mabênê saeteanê 15.20 û 17.20î de vera yewîyanê artêşa tirkî de çend çalakîyê sabotajî viraştî. Netîceyê çalakîyan de 6 leşkerî kişîyayî, 5 leşkerî zî birîndar bîyî. Artêşa tirkî bi helîkopteran merde û birîndarê xo herême ra kiriştî.

SILOPÎ DE 2 KONTRAYÎ MERDÎ, 4 KONTRAYÎ ZÎ BIRÎNDAR BÎYÎ

28ê êlule de hêzanê ma çarçewaya Hemleya Şorişgêrî ya Şehîd Delal Amede û Şehîdê Besta de vera kontrayê ke girê Ezmanî yê qezaya Silopî ya Şirnexî de ca bîyî de çalakîya sabotajî viraşta. Netîceyê çalakîye de 2 kontrayî kişîyayî, 2ê ci giran 4 kontrayî zî birîndar bîyî. Çalakîye ra dima dormeyê dewa Bêspîn û Bilika de operasyon dîya dest pêkerdene.

Artêşa tirkî 26ê êlule de warê Apê Musa ke girêdayeyê qezaya Licê ya Amedî yo de bi hetkarîya wesayîtê bêmerdimî û yewîyê nimiteyan operasyon dayo dest pêkerdene. Operasyon hîna dewam keno.”

HAWÊL DE 3 GERÎLAYÎ ŞEHÎD BÎYÎ

HPG-BÎMî aşkere kerdo ke netîceyê bombardumanê qezaya Hawêlî ya Sêrtî de 3 gerîlayî şehîd bîyî. HPGyî nasnameyê gerîlayan aşkere kerdî.

Nasnameyê gerîlayan wina yo:

Nameyê Qodî: Bahoz Argeş Name Peyname: Yunus Atîk Cayê Biyayîşî: Amed Dadî-Babî: Fatma - Mehmet Tarîx û Cayê Şehadetî: 23 êlule 2018 / Sêrt

Nameyê Qodî: Rojda Rojhilate Name Peyname: Reyhan Abdullahzade Cayê Biyayîşî: Selmas Dadî-Babî: Anarî - Faris Tarîx û Cayê Şehadetî: 23 êlule 2018 / Sêrt

Nameyê Qodî: Tekoşîn Avaşîne Name Peyname: Kadrîye Kiliçe Cayê Biyayîşî: Hatay Dadî-Babî: Meryeme - Abdulkadîr Tarîx û Cayê Şehadetî: 23 êlule 2018 / Sêrt

HÊRIŞÊ WARÊ GERÎLAYAN KERDÎ

Îzehetê HPGyî de ca dîyayo hêrişê artêşa tirkî yê warê gerîlayan zî. HPGyî vato ‘27ê êlule saete 23.30 de teyarayanê artêşa tirkî girê Stuna yê herêma Metîna bombarduman kerdo’ û wina dewam kerdo: “28ê êlule mabênê saetanê 10.00 û 11.00 de teyarayanê şerî girê Zendura yê herêma Metîna, saete 23.40 de warê Mervanisî yê herêma Avaşînî bombarduman kerdî. Netîceyê bombardumanan de ti vînîbîyayeyê ma nêbîyo. Rez û bexçeyê şarê ma yî zirar dîyo.”