Merkezê Îrtîbat û Çapemenîya HPGyî da eşnawitişê ke 3ê teşrîna verêne de Bazîd de çalakîyêk ameya viraştene. Netîceyê çalakîye de wesayîtêko zirxin ameyo îmha kerdene , 11 leşkerî merdî 7 zî birindar bîye.
Eşkerayîya HPGyî wina ya:
WESAYÎTO ZIRXIN AMEYO ÎMHA KERDENE
‘‘Çarçeweya Hamleya Şorişgêrî ya Serkewtişî ke seranserê Eyaletê Serhadî de dest pêkerdo, 3ê teşrîna verêne de Bazîdê Agirî de artêşa tirkî rê eynî wextî de çalakîyî ameyî viraştene.
Hêzê ma ya YJA-Starî îstîkametê qeraqolê Gurbulakî de wesaîtêko zirxin ke yewîyê nimteyê kiriştene, ci rê çalakîyêk viraşte. Çalakîye ke mesefayo nizdîye ra ameye viraştene, wesayît temamî de îmha bîya.
Hêzê ma reyna qilê asayîşî yê qeraqolê Vedat Ozkayayî û qilê asayîşî yê qeraqolê Alî Begî hedef girewtî. Her di qilan de zî mewzîyî û wesayîtê zirxin têsîrin ameyî piro dayene. Tankêk û wêsayîtêko ser o radar ca bibi, darb girewtî. Çalakîyanê eynî wextî de tespît kerde, 11 leşkerî ameyî kiştene 7 zî birindar bîye. Çalakîyan ra dima arteşa tirkî bi obus û havanan dormeyê xo bombardûman kerd.
ÇELÊ DE ÇALAKÎYE
Çarçeweye Hamleya Şorişgêrî ya Şehîd Pîroze û Şehîd Agirî de 4ê teşrîna verêne de hêzanê ma saete 12.00 de Çelê ya Colemêrgî de çalakîyêk viraşte. Qilê Xeregolî de leşkerê artêşa tirkî hedef ameyî girwtene. Çalakîye ke di hetan ra mewzîyê dişmenî têsîrîn gerîyayî bine adirî, 2 leşkerî birindar bîye. Hêzê dagîrkerî bi obus û havanan dorme bombardûman kerd.
KOLBERÊK AME QETIL KERDENE
1ê teşrîna verêne de artêşa tirkî herêma Gelîyê Masîro ya Elkê ya Wanî de operasyonêk da dest pêkerdene. Hêzê dagîrkeran xetê sînorî de kolberêk qetil kerd. Nê operasyonê dagîrkerî 3ê teşrîna verêne de peyser ame anetene.‘‘
