HPGyî Fermandar Cûma Mêrdîn yad kerd
HPGyî Fermandarê Eyaletê Mêrdînî Mehmet Saît Surer bi nameyê qodî Cûma Mêrdîn o ke 6ê Êlule de Bagok de şehîd kewt, yad kerd.
HPGyî Fermandarê Eyaletê Mêrdînî Mehmet Saît Surer bi nameyê qodî Cûma Mêrdîn o ke 6ê Êlule de Bagok de şehîd kewt, yad kerd.
Merkezê Çapemenî û Îrtîbatî yê HPGyî da zanayene ke Fermandarê Eyaletê Mêrdînî Mehmet Saît Surer bi nameyê qodî Cûma Mêrdîn 6ê Êlule ya 2018î de herêma Bagokî ya pabesteya Nisêbînî de şehîd kewt.
HPGyî şexsê merdimanê Mêrdînî de heme şarê welatperwerî yê Mêrdîn û Kurdistanî rê serweşîye waşte û ard ziwan ke ê do şehîdê xo mîyanê mucaledeyê xo de bidê ciwîyayenê.
Nasnameyê gerîlayê şehîdî wina yo:
Nameyê Qodî: Cûma Mêrdîn
Name Peyname: Mehmet Saît Surer
Cayê Biyayîşî: Mêrdîn
Maye-Pî: Sûltane - Azîz
Tarîx û Cayê Şehadetî: 6ê Êlule ya 2018î / Bagok
Eşkerayîye de ca dîya nînan:
‘‘Hemra Cûmayo ke serranê xo yê ciwanî de tewrê Mucadeleyê Azadîye yê Kurdîstanî bi xeylî cayanê şerî de bi fedakarîya girde wazîfeyê xo ardî ca. Embaz Cûma fermandarêko qehreman, mîlîtanêko bêters û hemrayêko erjaye bi. Serhat ra heta Wareyê Medya, Koyanê Botanî ra heta Eyaletê Mêrdînî xeylî cayan de pratîkanê çetinan ra bi îradeyê girdî vejîya. Hemra Cûmayo ke zereyê embazanê xo de bi heskerdişî ameyo bicakerdene, wazîfeyê xo yê tarîxî bi çoşêkê girdî bicaardêne. Hemra Cûma emrê xo yê 28 serran ê gerîlatîye de wazîfeyanê cîya-cîyayan de wesîyetê şehîdan xo rê sey talîmatî girewt û serra 2016î de seba ke mucadeleyî berz bikero reyna verê xo da vakur û wazîfeyê Fermandarîya Eyaletê Mêrdînî girewt. Embaz Cûma 6ê Êlule ya 2018î de herêma Bagokî ya pabesteya Nisêbînî de pêkewtişêk de hemverê artêşa tirkî ya îşxalkare de bi şerkerdişêkê qehremenkî şehîd kewt.‘‘