HPGyî nasnameyê 3 gerîlayan eşkera kerdî

HPGyî 3 gerîlayê ke hêrişê hewayîyî yê Zap de şehîd kewtî, nasnameyê înan eşkera kerdî.

Merkezê Çapemenî û Îrtîbatî yê HPGyî da pêhesnayene ke 3 gerîlayî Zap de şehîd bîyî û nasnameyê înan eşkera kerdî.

Hîrayîya eşkerayîye de nê ameyî parekerdene:

''28ê Teşrîna peyêne de teyareyanê şerî yê artêşa tirkî Wareyê Pawitişî yê Medya ra Xakurkê de Qilê Şefîkî û qezaya Qilabanî ya Şirnexî de herêma Şehîd Kendalî bombardûman kerdî.

29ê Teşrîna peyêne de (ewro) teyareyanê şerî yê artêşa tirkî dormeyê Çemê Xakurkê bombardûman kerd. Bombardûman de vîndîbîyayeyê ma çîn ê.

27ê Teşrîna peyêne de teyareyanê şerî yê artêşa tirkî Wareyê Pawitişî yê Medya ra herêma Saca ya  Zapî bombardûman kerd. Netîceyê bombardûmanî de embazê ma yê bi nameyê Arîne, Avesta û Zîlane şehîd bîyî.

Nê embazê ma ke seba azadîya Rayber Apoyî û şarê ma tewrê mucadeleyê şorişî bîyî, safanê gerîlayî de tim fedakar, kedkar û wezîfeyî rê hadre bî. Hîrê heme hemrayê ma yê ke bi zanayîşê Îdeolojîya Azadîya Cinîyan têgêrayêne, ma do beyreqê înan biresnê serkewtiş. Ma na bingeyî de sere de merdimanê şehîdan heme şarê Kurdîstanî rê serweşîye wazenê.''

Gerîlayê ke şehîd bîyî nasnameyê înan wina yê:

                            

Nameyê Qodî: Arîn Colemêrge

Name Peyname: Hulya Ozdemîre

Cayê Biyayîşî: Wan

Maye-Pî: Asya -  Dirbaz

Tarîx û Cayê Şehadetî: 27ê Teşrîna peyên a 2018î / Zap

 

 

 

Nameyê Qodî: Avesta Kahramane

Name Peyname: Elîfe Mele Nahsane

Cayê Biyayîşî: Efrîn

Maye-Pî: Latîfa - Nurî

Tarîx û Cayê Şehadetî: 27ê Teşrîna peyên a 2018î / Zap

 

 

 

Nameyê Qodî: Zîlan Devrane

Name Peyname: Nurşen Butuşaba

Cayê Biyayîşî: Amed

Maye-Pî: Nesîhate - Muharrem

Tarîx û Cayê Şehadetî: 27ê Teşrîna peyên a 2018î / Zap