HPGyî nasnameyê gerîlayêke eşkera kerd
HPGyî gerîlayêka 2ê Teşrîna peyêne de Şirnex de şehîd kewtebî, nasnameyê aye eşkera kerd.
Merkezê Çapemenî û Îrtîbatî yê HPGyî nasnameyê gerîlayêk a ke par Şirnex de şehîd kewtebî eşkera kerd.
HPGyî vist vîrî ke înan eşkerayîya xo ya 9ê Teşrîna peyêne de dayo zanayene ke mabênê 13 Teşrîna verêne û 3ê Terşîna peyêne de herêma Cûdî ya Şirnexî de operasyonêko hîra ameyo destpêkerdene û pêkewtişan de 9 embazê înan şehîd bîyê û va: ‘‘ Pêkewtişanê 2ê Teşrîna peyêne de embaza ma Karli Bagera ke heta gûleyê xo yo peyên şer kerde û seba ke esîr destê dişmenî mekewe bombaya xo teqnaya û şehîd kewta, nasnameyê ci newe ame zelalkerdene.''
Nasnameyê gerîlaya ke şehîd kewta wina yo:
|
|
Nameyê Qodî: Karli Bagere Name Peyname: Emîne Onale Cayê Biyayîşî: Şirnex Maye-Pî: Leyla - Yusuf Tarîx û Cayê Şehadetî: 2ê Teşrîna peyêne ya 2018î / Cûdî
|
Dewamê eşkerayîye de nê ameyî vatene:‘‘ Hemraya Karli ke 1997 de Hezexê Şirnexî de ameya dinya, vera planê çokdayîşî yê dewleta Tirkî ya faşîste serra 2015î de tewrê sefanê Gerîlayê Azadîye yê Kurdistanî bîye. Hemraya Karli ke bi felsefeya Rayber Apoyî, wareyê Egîdan koyanê Gabarî de gerîlatîye kerdêne, demo kilm de aver şîye û xo resna. Hemraya Karli 2ê Teşrîna peyêne de seba ke destê dişmenî mekewe, xo ser bomba teqna û tewrê kerwanê bêmerdeyan bîye.
Ma şexsê kênaya qehremane ya Botanî hemraya Karli de şehîdanê xo reyna yad kenî, şexsê keyeyê erjayeyî yê Onalî de şarê welatperwerî yê Hezex û Kurdistanî rê serweşîye wazenê.''
