Eşkerayîya HPGyî ra gore operasyon û çalakîyan de 3 eskerê tirkî ameyî kiştene û da zanayene ke vindîyê gerîlayan çîn o.

Eşkerayî wina ya:

Çarçiwaya Hemleya Şehîd Pîroze û Şehîd Agirî de hêzanê ma roja 12ê Teşrîna verêne saet 10.50 de Qilê Leylekî ke girêdayeyê qezaya Şemzînanê Çolemergî de yo hemverê artêşa tirkî ya îşxalkare ke ûca bica bîbî de rêzêk çalakîyê sûyîqestî viraştî. Nê çalakîyan de 1 esker ame kiştene û 1 esker zî birîndar bi.

Roja 10ê Teşrîna verêne saetanê sibayî de artêşa tirkî ya îşxalkare herêma Demîrkapi ya ke girêdayeyê Bazidê Agirî ya bi yewîyanê nimiteyan operasyonêk da destpêkerdene. Heman roje de saet 10.30 de teyareyê şerî û helîkopterê hêrişî yê hêzanê îşxalkaran herêma operasyonî bomberdûman kerde û dima ra bi helîkopteranê Skorskîyan herême de eskerî ronayî. Roja 11ê Teşrîna verêne de zî herêma ke bomberdiman kerdebî de gama ke fealîyetê cigeyrayîşî kerdêne bîyî hedefê hêzanê ma. Çarçiwaya Hemleya Serkewtişê Şorişgêrî de ke eyalet de amîbî dest pêkerdene hemverê yewîyanê dijminî de çalakîya sabotajî amîya viraştene û tesbît bîyo ke 2 eskerî ameyê kiştene. Hêzanê îşxalkaran heman roje saetanê şanî de bênetîce xo herême ra pey ser ant. Artêşa tirkî ya îşxalkare bi rayîrê medyaya hewuze îdîa kena ke nê operasyonî de 2 gerîlayê ma şehîd kewtê. Nê operasyonî de tu vindîyê gerîlayan çîn o. Artêşa tirkî ya îşxalkare binkewtişo ke Eyaletê Serhedî de ciwîyaya bi metodanê şerê taybetî û bi vilakerdişê xeberanê zûran wazena binimno.         

ZAP DE HÊRIŞO HEWAYÎ

Roja 12ê Teşrîna verêne saet 20.45 de teyareyanê şerî yê artêşa TCyî herêma Çîyayêreşî ke kewena herêma Zapî yê Wareyanê Pawitişî yê Medya bomberdûman kerdî.