KCK: Do hesabê Roboskî bêro persayene

Hemserekîya Konseya Rayberdişî ya KCKyî: Qirkerdişê Roboskî, meyîtê perçekerdeyî yê domanan û ciwanan do çirey nêrê vîrrakerdene, şarê ma û Têgêrayîşê ma yê Azadîye do bi mucadeleyê xo hesabê nê qirkerdişî biperso.

Hemserekîya Konseya Rayberdişî ya KCKyî bi wesîleya serrgêra Qirkerdişê Roboskî eşkerayîyêka nûştekîye daye.

KCKyî vat: “Ma do bi viraştişê Kurdistanê Azadî û Tirkîyaya Demokratîke qesasê nê qirkerdişî bigîrê. No qirkerdiş bi sîstemê faşîstî yê qirkerdoxî bi fermanê Erdoganî ameyo viraştene. 2006 de zî Adare de Amed de seba serewedartişan vatibi ‘cinî zî bo, doman zî bo ma do çi lazim bo bikerê’ fermanê qirkerdişî dabi û netîce de xeylî domanî ameybî kiştene. Tu hetêkê exlaqî û wijdanî yê Tayyîp Erdoganî nêmendo.

Ê serranê 2011-2012 de zî bi modelê Srî Lanka waşt ke têgêrayîşê azadîye yê şarê Kurdî tasfîye bikero, binê nameyê dewayanê KCKyî de xeylî kesî tepiştî. Nê hêrişê ke 5ê Nîsane de Îmrali de bi tecrîdî bi hawayêkê fîîlî dest pêkerdî 24ê Temmuze de agêrayî operasyonanê topyekunan.

SEBA KE ROBOSKÎYÊ NEWEYÎ ÇINBÊ GANÎ MUCADELE BÊRO XURTKERDENE

Nê dewrî de prosesê xoverdayîşanê Cizîre, Silopî, Nisêbîn, Şirnex, Hezex û Sûr de xeylî ‘Qirkerdişê Roboskî’ ameyî viraştene. Dima ra zî Efrîn û Şengal de qirkerdişî ameyî viraştene. Seba nê ganî her ca de hemverê îqtîdarê faşîstî yê AKP-MHPyî de her ca de mucadele bêro xurtkerdene.

Dewijanê Roboskî heta ewro mucadeleyêkê xeylî birûmetî da. Înan ne seba fekveradayîşê dewa pereyê AKP-MHPyî qebûl kerdî ne zî hemverê zextan de serre rona. Rixmê heme zext û zoran de mucadeleyê xo domna.

Qirkerdişê Roboskî, meyîtê perçekerdeyî yê domanan û ciwanan do çirey nêrê vîrrakerdene, şarê ma û Têgêrayîşê ma yê Azadîye do bi mucadeleyê xo hesabê nê qirkerdişî biperso. Şarê Kurdî hendî bi zext, zulm, tepiştiş û kiştişan fek azadîya xo ra vera nêdano.

Zihnîyeto ke qirkerdişê Roboskî viraşto ewro zî dewre de yo û hêrişê şarê ma keno. Ma do hemverê hêzanê ke Roboskî kerdê û dayo kerdene her ca de mucadele bide û înan bin fînê. Bi nê sozî ma vernîya şehîdanê xo de bihurmet xo nimz kenê. Wa ê rehet rakewê, do Kurdistanêko azad ke hendî Roboskî nêvirazîyê û bi teyareyanê şerî nêro bombakerdene bêro awankerdene.”