Hemserekîya KCKyî derheqê hêrişê dewleta tirkî yê vera Mexmûrî de eşkerayîyêk da.

Eşkerayîye ra tayî cayî wina yê:

‘‘Dewleta tirkî ke qirkerdişê şaran ser o ameya ronayene sere de şarê kurdî şaranê herêmî rê hêriş kena.Tewr peynî de zî hêrişê kapma Mexmûrî kerd û Vakur û Rojakewtena Sûrîye zî bi destpêdayîşê îşxalî tehdît kerdî. Hêrişê  Kampa Mexmûrî ya ke binê kontrolê Bêvengiya Neteweyê Yewbîyayeyî( NY)yî de ya de 4 welatperwerî ameyî qetilkerdene. Ma dejê  keyeyanê şehîdan pare kenî  û vanê ke Homa rehmê xo şehîdanê ma bikero. Ma sere de şarê Kampa  Mexmûrî heme şarê Kurdistanî rê serweşîye wazenê.

Faşîzm demokrasî, azadîye  û aşitîye xo rê sey tehdîtî vîneno. Ê hole zanê ke eke Sûrîye de demokrasî bêro roniştene.Tirkîya de faşîzm nêeşkeno payra bimano. Semedê faşîzmê xo payratepiştişî hêriş kenî. Faşîzm bi dişmenetîye û  gonî xo weye keno coka wazeno ke Sûrîye de tim şer dewam bikero. Şexsê Mexmûr de înan hêrişê  vindertişê sereberzîye yê şarê ma kerd. Ewro çîyo ke DAÎŞ Şengal de nêeşkayo bikero, dewleta tirkî wazena nê bîyaro ca. Hemverê hêrişan de  bêvengiya NYyî nîno qebûlkerdene.

Ma sey têgêrayîşî semedê nê vindertişê birûmetî yê şarê Mexmûr û Şengalî  înan silam kenî û bi na wesîleya şarê xo ra wazenê ke semedê pawitişê herra xo wa xoverdayîş xurt bikerî.‘‘