Hemserekîye Konseyê Caardişî ya KCKyî bi eşkerayîyêka diqet ant şerê AKPyî yê vera kurdan ser û dîyar kerd ke peynîya îtîfaqê AKP û MHPyî nêzdî yo.

KCKyî da zanayene ke artêşa tirkî vera gerîlayan de kewta bine û seba çalakîya 4ê teşrîna verêne ya Êlîhî gerîlayê ke çalakî viraşta, ê fîraz kerdî.

Eşkerayîya KCKyî wina ya:

‘’Îqtîdaro faşîst yê AKP-MHPyî 24ê temûza 2015î ra nata şerî xorin keno. Qismêko muhîmî zî sey şerê psîkolojîkî dano domnayene. Îqtîdaro faşîst bisebo ke her hetî ra krîzan mîyan de cûm bîyo, bi şero psîkolojkî wazeno ke na tengayî ra bivejîyo. 15ê tebaxa 1984î, roja destpêkerdişê şerê gerîlayî ra heta ewro kam partî ke ameya îqtîdar, propagandaya ‘ma PKK qedîna, do biqedenî‘ kenî. Tugut Ozlan va; ‘hîre nîme eşqîyayî yê‘, Tansû Çîlere her tim vatêne; ‘ya qedîyene, ya qedîyene.‘ Komploya ke vera Rayber Apoyî rê bi, naye ra dima pêroyê îdarekaranê dewlete yew fekkî ra qedîyayîşê PKKyî îlan kerdbi. Erdoganî zî serra 2002 vatbi; ‘eke kes mefikerîyo mesela kurdî çîn a.‘ La PKK her roj hîna beno girde û bi hêzê xo pêroyê dengeyanê sîyasetî ser o têsîr keno.

DERBE VERA ŞARÊ KURDÎ Û HÊZANÊ DEMOKRASÎ AME KERDENE

Derbeya AKPyî sey vera fetûhlaçiyan yeno ramojnayene la esasî de na derbe vera şarê kurdî û hêzanê demkrasî de ameye kerdene. Ê ke sey înan nêfikerîyene bi operasyonan tepişenî û sey operasyonê vera fetullahçiyan ramojnenî. Wazenê ke wina qeyde derbeyêka vera kurdan û hetanê demokratîke bîyo binimnî.

BI ŞERO PSÎKOLOJÎKÎ WAZENÊ KE XO HÊZÊN RAMOJNÎ

Leteyêko muhîm yê na derbe zî şero psîkolojîk o. Erdogan her roje hûmare merdan dano. Efrîn de hendê hûmarê xoverdayoxan va ma kitşî. Her serre hendê hûmarê gerîlayî vano ma hendê kiştî. Her roja xeberê ke raşt nîye dano û wazeno ke wa moralê şarî kurdî bixerîpyo. Bi xo hêzên ramojnayîşî wazenê ke krîzî binimnî.

GERÎLA DERBEYA GIRDE DANO PIRO

La gerîla rixmê pêroyê hêrişanê dewlete têkoşînêko girde dano. Dewlete şarî rê zextê giran kena, dar-birr veşnena, her cayê qedexe kena rixmê naye gerîla bi çalakîyanê xo psîkolojîyê dewleta tirkî ser û bin keno. Çalakîyê gerîlayî pêroyê plananê şero psîkolojîkî zî pûç vejenî.

ÇALAKÎYA ÊLÎHÎ AMEYE FÎRAZ KERDENE

Êlîh ke her roje bêsebebê hemwaltijî yene tepiştene, şarî rê zext beno û heta meyîtanê şarî rê hêriş beno gerîlayan çalakîyêka têsîrin viraşt. Ma seba na çalakîye Fermandarîya Eyaletî fîraz kenî û ci rê serkwtiş wazenî. Gerîla, şar û dostê ma û heme hêzê demokrasî bi têkoşînêko xurtî do ser bikewî.

PEYNÎYA AKP Û MHPYÎ NÊZDÎ YA

faşîzmê AKP-MHPyî bi propagandayê şerî wazeno ke emrê xo derg bikero. La peynîya înan nêzdî ya. Îqtaro faşîst bisebo ke her hetî ra krîzan mîyan de cûm bîyo, bi şero psîkolojkî wazeno ke na tengayî ra bivejîyo. Ganî şarî kurdî û dostê ci seba peynîya îtîfaqo faşîstî ardişa têkoşîn berz bikerî.''