Hemserekîya Konseyê Caardişî yê KCKyî serrgêra serhildanê Kobanê yê 6-7-8ê teşrîna verêna 2014î de bi eşkerayîyêka nuştekî şehîdê serhildanî yad kerdî.

AME RAMOJNAYENE KE KOBANÊ TENA NÎYA

Hîrayîya eşkerayîye de nê pare bî:

''Nê serhildanan Kobanê de peynîya DAÎŞî ard. Serhildanê 6-7-8ê teşrîna verêne ramojna ke şarê kurdî çar leteyan de senî sey bedenêko. Reyna ramojna herkesî ke şarê kurdî biyo sey netewa demokratîke û seba azadîya xo têkoşîn dano.

ŞAR VERA AKP KE PAŞTÎ DANO DAÎŞÎ HÊRSÊ XO ARDE ZIWAN

6-7-8ê teşrîna verêna de seranserê Vakurê Kurdîstanî de gencî, kalî, cinî, domanî heme şarê kurdî vejîya kuçeyan û wayîr xoverdayîşê Kobanê vejîya. Şerê vakurî ramojna ke xoverdayoxê Kobanê tena nîye. Şar AKP ke paştgerîya DAÎŞî keno, ci rê hêrsê xo arde ziwan. Hesabê ke Erdogan DAÎŞî ser a seba Kobanê kerdêbî, têkoşînê Kobanê û şaran nê hesabê xeripnayî. Erdogan bi hêrişkerdişê şarî kesîya xo ya faşîst eşkera vetê orte. Bi desan gencê kurdî qetil kerdî. Şarê ma qetilkerdişê welatperweranê xo, do xo vîra nêkero û do hesabê ney bêro persayene.

AKP RAYBER APOYÎ RA RÎCA KERDE KE WA SERHILDANÎ VINDARNO

Îqtîdarê AKPyî Rayber Apo û Tevgerê Azadîye ra rîca kerd wa serhildanê 6-7-8ê teşrîna verêna bidoyo vindarnayene. Ganî wexto kilm de vera têkoşînê kurdan de, reyna hukmatê AKPyî no qeyde tangayî bikure. Şarê ma û hêzê demokratîke bi xoverdayîşî do îqtîdarê AKP- MHPyî ra şaran bixelisnî.''