KCKyî Berhem Salîh fîraz kerd

Hemserekîya Konseyê Caardişî yê KCKyî namzedê YNKyî Berhem Saliho ke bîyo serokkomarê newe yê Îraqî, bi mesajêk fîraz kerd û seba ey keyfweşîya xo arde ziwan.

Hemserekîya Konseyê Caardişî yê KCKyî bi eşkerayîyêka nuştekî serokkomaro newe yê Îraqî Berhem Salih fîraz kerd.

Mesajê KCKyî wina yo:

"No dewro kritîk de serokkomar bîyayîşê Birêz Berhem Salîhî zaf muhîm o. Ma zî ey fîraz kenê û ci rê serkewtiş wazenî. Birêz Berhem Salîhî her hetî ra, îtîqat û nasnameyanê cîya-cîyayan ra paştî girewt û sey serokkomarî ame weçînayene. No çîyeko zaf erjaye û mûhîm o. Ma bawer kenî ke Birêz Berhem Salîh wezîfeyê xo bi serkewtişî ano ca û bi eştişê gamanê demokratîkan do şarê Îraqî tengayî ra bixelisno. Ma hêvî kenê ke sere de meseleya kurdî, seba çarekerdişê pêroyê meseleyanê Îraqî, do rolê xo hol kay bikero. Na çarçewa de ma ey reyna fîraz kenî û ci rê serkewtiş wazenî."