Hemserekîya Konseyê Rayîrberdîya KCKyî bi sebebê serrgêra qetlîamê Anqara yê 10ê teşrîna verêna 2015î mêsajêk pare kerd. KCKyî dîyar kerd ke no hêriş şarê kurdî û hêzê demokrasî yê Tirkîya ke pîya têkoşîn danî, vera nînan ame viraştene.

KCKyî vist vîrê ke hîrê serre cuwa ver Erdogano faşîst çeteyê xo verdayî rayîrraşîyayîşê demokrasî yê û 105 demokrat, welatperwer û sosyalîstî qetil kerdî û bi seyan zî birîndar kerdî.

Eşkerayîye ra tayî cayî wina yê:

‘‘Erdogano ke nêwezano îqtîdarê xo vîn bikero bi hêzanê tarîyan îtîfaqo şîrik kerdo û bi hêrişkerdişê şarê kurdî û hetanê demokratî wazeno ke emrê xo derg bikero.

Ortax têkoşînkerdişê şarê kurdî û hêzê demokrasî yê Tirkîya projeyê Rayber Apo yo. Çaçeweya no projeyî de 7 hezîranê de ortaxîyêk vejîyayî binate û gamê erjaye ameyî eştene.Ê ke no têkoşîno ortaxî xo rê sey mergî vînenî, qetlîam viraşt.

Eke 10ê teşrîna verêne sey xetêka sîyasî û îdeolojîkî yê azadkerdişê Kurdîstanî û demokratîkerdişê Tirkîya bigerîyo deste,Tirkîya de do dewrêko newe yê têkoşînî dest pêbikero û peynîya faşîzm ê AKP-MHPyî bîyaro.‘‘