KCKyî gerîlayê HPG-YJA STARî pîroz kerdî

KCKyî hemleya newîye ya gerîlayanê HPG-YJA STARî pîroz kerde û vat: “HPG bi afernayîşê gerîlatîya seserra 21., bi vengvetişê hêrişanê hêzanê serdestan sey her demî do serfirazîya gerîlayî bi dest bifîno.”

Hemserekîya Konseya Rayberdişî ya KCKyî  bi mesajêk  hemleya newîye ya gerîlayanê HPG-YJA STARî pîroz kerde.

KCKyî eşkerayîye de bale ante serê şuxulnayîşê wesayîtanê hewayîyan ê gerîlayanê HPG-YJA STARî ke xeylî cayan de bi înan cayanê eskerîyan ê dewleta tirkî rê hêrişî ameyî kerdene û vat: “Nê çalakîyan de bi desan leşkerê tirkî ameyî kiştene, bi desan zî birîndar bîyî. Seba nê cewabê bitesîrê yê hemverê hêrişanê qirkerdişan de ma heme fermandar û şerwananê HPG-YJA STARî pîroz kenê.”

BI ZÛRAN WAZENÊ KE RAŞTÎYAN BINIMNÊ

Eşkerayîye de vajîya: “dewleta tirkî 3 serrî ra zêde yo ke hemverê şarê kurdî û hêzanê demokrasî de zextê xo xeylî kerdê vêşî. Kîşta nê hêrişan û zextan de dewlete şero psîkolojîk zî visto dewre. Gamêka nê şerê psîkolojîkî zî çalakîyanê gerîlayan nimitiş o, hûmara polîs û leşkeranê ke yenê kiştene nimitiş o. Radyo û televîzyonî binê kontrolî de yenê  girewtene. Merkezê şerê psîkolojîkî bi xeberanê zûran ê derheqê gerîlayan de wazeno ke mucadeleyê gerîlayan zihîf bifîno û îmajê ‘dewlete tirkî hêzdar a’ virazo.”

Eşkerayîye de bale ancîya nînan: “Dewleta tirkî çarçiwaya şerê psîkolojîkî de çalakîya ke bi hemleya taktîkî ya newî ya gerîlayanê HPG-YJA STARî ya bi wesayîtanê hewayî amîya viraştene nimita û vîndîbîyayeyê xo tam nêvatê. Hêrişo ke serê qereqolê Bêsosinî yê Şemzînanî de ame viraştene zî sey teqayîşê muhîmatî ramot. Seba ke çalakî xeylî pîle bîye nêeşkayî binimnê, la bi xebera zûre waşto serê raştî bigîrê.”

GERÎLAYÊ SESERRA 21. DO HÊRIŞAN VENG VEJO

Peynîya eşkerayîye de vajîya: “Na raştîyêka tarîxîye ya ke gerîla her tim hemverê taktîk û teknîkê dişmenî de taktîk û teknîkê xo virazeno. HPG zî do bi afernayîşê gerîlatîya seserra 21. hêrişanê hêzanê serdestan veng vejo û serfirazîya gerîlayan bi dest bifîno. Nê bingeyî de ma hemleya taktîkî ya newîye ya gerîlayanê HPG-YJA STARî pîroz kenê, mucadeleyê înan de înan rê serfirazîyanê pîlan wazenê.”