KJK: Bêguman do faşîzm vindî kero, îşxal biqedîyo!

Koordînasyonê KJKyî fermandarê gerîlayan Delal Amede û Azê Malazgirte ke par Besta de cuya xo vindî kerdebî yad kerdî û vat: “Bêguman do faşîzm vindî kero, îşxal biqedîyo.”

Koordînasyonê KJKyî bi wesîleya vîrardişê endama Komîteya Rayberdişî ya PKKyî Delal Amede û fermandaranê HPG-YJA STARî ya Botanî ra Azê Malazgirte eşkerayîyêka nûştekîye vila kerde.

KJKyî vat: “Nê hemrayanê ma artêşbîyayîşê cinî yê ewilêna ra heta partîbîyayîşî viraştişê sîstemê cinî de ca girewtê.”

WEXTÊ AZADÎYA CINÎ

Eşkerayîya KJKyî wina ya:

“Mucadeleyê azadîya Cinî yê Kurdistanî roj bi roje aver şino û bêvindertiş dewam keno. Seserra 21. de zî cinîyanê Kurdisyanijan morê xo dayo mucadeleyî ro. Cinîyî na seserre sey seserra azadîya cinîyan ercnaya û bi perspektîfê xo yê mucadeleyî ke Rayber Apoyî ra gênê xoverdayîş û şerrê tewr pîlî danê.”

CINÎYÎ RAYBERÊ ŞORIŞGÊRÎ YÊ DEMÊ XO YÊ

Nê dewrê neweyî de stratejîya şerê şarî yê şorişgêrî amîya esasgirewtene. Seke heme prosesanê tarîxîyan de nê prosesî de zî rayber, kadro û fermandaranê ma bi terzê xo yê mucadeleyî û şerî û bi fedakarîyanê xo qerardarîya xo ramotê. Seva cuya azade ya newîye xeylî bedelî ameyê dayene. Mîlîtanê azadî bi şehadetê xo bîyê rayberê şorişgêran ê heme cinîyan ê dewrê xo.

ARTÊŞBÎYAYÎŞÊ CINÎ YÊ EWILÊNÎ RA VER BI PARTÎBÎYAYÎŞÎ…

Ma hemrayanê xo Delal Amede û Azê Malazgirte reyna bi vîr anê û anê ziwan ke ma do wayîr ro vîrardişanê înan vejîyê û bibê raywanê rayîrê înan. Nê embazan heme merheleyanê sîstemê azaddîya cinî de artêşbîyayîşî ra heta partîbîyayîşî ca girewtibi. Înan sere de hemverê artêşa tirkî ya faşîst, qirkerdox û îşxalkare de hemverê heme tewir sîstemanê  tecawuzkaran  mucadele kerd. Înan hêrişê dişmenî bi cuye û terzê şerî yê xo veng vetî. 

FERMANDARÎYA DELAL AMEDE

Hemraya ma Delal Amede qey wextêk fermandarîya YJA-STARî kerda. Analîzkerdişê dişmenî û viraştişê taktîkan de xeylî serkewtî bî. Motîvekerdişê hêzê şerî de westa bî û çîyo tewr muhîm zî fermandarêk bîye ke wayîrê nizbîyayîşêkê raştekînî ê hemrayî bî.

Peynîya eşkerayî de wina ame vatene: “Hemraya ma Delîl Amede serra 1992 gama ke unîversîteya Dîcle Firatî de beşê mîmarîye de wendêne tewrê sefanê partî bîye. Dima ke resa koyanê Kurdistanî heme cephe û sehayanê ke şer xurt bi de ca girewt. Dêrsim de û wareyê xo Amed de zî gerîlatî kerde û xeylî serkewtişî bi dest fînayî. Dima ra şîye sehaya Rayberîye û Rayberî ra perspektîfê derheqê persanê azadîya cinî de girewtî. Tewr peynî gama ke şîye sehaya Botanî vatibi ke ‘ez şina qesasê kesê ke xoverdayîşê îdarekarîya xosere de ameyî qetlkerdene gêna.’ Hemraya ma Delale beyraqa xo Botan de dewr kerde û Delalê bînî a beyraqa ci dewr girewte. Ma sere de cinîyan rê heme şarê xo rê soz danê ke ma do bibê hemrayê Sarayan, Berîtanan û Delalan û xeyalanê înan bica biyarê. Bêguman faşîzm do vindî bikero, îşxal biqedîyo, Rayber Apo sîstemê çarmêxî yê Îmraliyî ra bêro vetene û xeta Delalan de do mucadeleyê azadîya cinî qezenc bikero.”