Koordînasyonê Komalên Ciwanî bi sernameyê “Hemverê faşîzmî de xo organîze bike û bikewe fealîyet!” eşkerayîyêk daye û hemleya Serî Hilde ercnaye. Koordîsyonî vat ke înan xeylî çalakîyî viraştî û heta rijyayîşê rêjîmê Erdoganî do çalakîyê înan dewam bikerê.

Koordînasyonî sere de Rayberê Şarê Kurdî Abdllah Ocalan silam kerd, şehîdê azadîye yad kerdî û serrgêra 41ine yê PKKyî fîraz kerde û da zanayene ke ê hemleya xo rayber û farmandaranê ciwanan ra Şehîd Baran MAWA û Şehîd Mahîr BOTANî rê xelat kenî û sozê girewtişê qesasê girdî da.

Eşkerayîye ra tayî cayî wina yî:

‘‘Mucadeleyê Azadîye  ke 40 serrî cuwa ver ciwananê welatperwerî dormeyê Rayber Apoyî de ameyî pêser û dayo destpêkerdene, ewro heme Rojhelatê Mîyanênî de bîyo vila û umîdê azadîye yê merdimîye yo.

Hemleya SERÎ HILDEyî  sey koletîye ra ravêrtişê bi xoverdayîşî dest pêkerde. Çar leteyê Kurdîstanî û Ewropa de ciwanî wayîrê hemleye vejîyayî û tewrê ci bîyî.

SERÎ HILDE hemverê her qayde îşkence, zulm û koletîye de  hamleya serewedartişî ya.  Coka her hetî ra qismêko gird yê ciwananê kurdan bîyî aktîvîstê na hamleye û înan na slogane sey sloganêka esasîye yê xoverdayîşî girewte.

Ciwanê Rojawanî 8 serrî yo mîyanê herbê Rojawanî de xoverdayîşî xurt kenî. Şengal û Mexmûr de zî ciwanê welatperwerî vera faşîzmî payra yê. Rojhelat de zî ciwanî xeta fedaî ya serhildanî de cayê xo genî. Ewropa de ciwanê kurdan her ca de xoverdayîşê kurdan ramojnenî heme dinya.

Vakur  de polîtîkaya leyşine ke ciwananê kurdan semedo ke têgêrayîşê azadîye ra  dûrî bifîno ancena mîyanê fûhûşî, çarçiwaya hamleye de cewab dîyeno ci. Dişmen wazeno ke ciwanan bikero ajan û bi fuhuş û tîryakîyî kokê ci ra raqilno. La ciwanê ma vera kes û dezgehê ke nê karan kenî çalakîyê radîkalî viraştî û planê nînan pûç vetî.

Hemleya ma bi girdbîyayîşî her hetî rê vila bena. Ewro ra tepîya heme xebat û çalakîyê ma do xeta Şerê Şorişgêrî yê Şarî  ke gerîlayê ma yê qehremanî ci rê rayberîye kenî, a xete de bêrî viraştene. Ciwanê ma ganî semedê xurtkerdişê mucadeleyî tewrê sefanê gerîlayî bibî. Wa heme şarê ma bizano ke ma nêvindenî  û her roje xoverdayîşê xo hîna xurt kenî.’’