KONGRA-GEL: Seba şiktişê tecrîdî ganî xoverdayîş bêro girdkerdene

KONGRA-GELî bale ante vilabîyayîşê grevê vêşanîye û vat ke ganî ma seba şiktişê tecrîdê serê Rayber Apoyî, rijnayişê faşîzmî û azadkerdişê Kurdîstanî xoverdayîşî gird bikerê.

Hemserekîya Diwanê KONGRA-GELî hêrişê Tirkîye yê hemverê Mexmûr, Şengal û Rojava şermezar kerdî û merdimanê şehîdan û şarî rê serweşîye waşte.

KONGRA-GELî  hemverê  hêrişê dewleta tirkî yê serê Mexmûrî reaksîyon ramot û va: ‘‘Kampa Mexmûrî ke dewleta tirkî hêrişê ci kerd, binê kontolê NYyî de ya la vera hêrişan  bêvengîya înan dewam kena. No  zî paştî dano dewleta tirkî. Coka NY nê sucî rê hempar o. Reyna hukmatê Başûrê Kurdistanî  ke vera  hêrişanê dewleta tirkî bêveng o, no seba înan şermêko pîl o.‘‘

KONGRA-GELî  çalakîya grevê vêşanîye ya hemsereka KCDyî û parlamentera HDPyî ya Colemêrgî Leyla Guvene ya hemverê tecrîdê serê Rayberê Şarê Kurdî Abdullah Ocalanî vist vîrî û va: ‘‘Guvene rolêko tarîxî girewt xo ser û dest bi grevî kerd. Bi na wesîleya roja 39ine a çalakîye de ma Guvene û çalakîya ci silam kenî.‘‘

KONGRA-GELî  seba girdkerdişê xoverdayîşî veng da û wina qedîna: ‘‘ Senî ke şer bi tecrîdê serê Rayber Apoyî destpêkerd, wedartişê tecrîdî zî do gama verêne ya şiktişê faşîzmî bo. Seba naye ganî şarê ma her cayî biaçarno cayê xoverdayîşî.‘‘