Divanê Hemserkîya KONGRA-GELî bi eşkerayîyêka nuştekîye serragêrayîşê ronayîşê PKKyî pîroz kerd û seba girdkerdişê mucadeleyî veng da.

Eşkerayî ra tayî cayî wina yê:

''PKK mîladê kurdê azadî  û destanê bîyayîşê ci yo. PKK vera tarîxê kurd û Kurdîstan yê ke amebî qedînayenê û teslîm girewtene de serewedartişêk o. Seba şaran, îtîqatan, cinîyan û heme bindestan û ê ke ameyî cîyakerdene PKK umid o, serkewtişê îradeyî yo, azadîye seypêyî û edelato komelkî yo.

Bi şerê dinya yê yewine  Kurdîstan ameyî perçekerdene û hemverê naye de  heme serewedatişê kurdan hetê îtafaqê dewletanê serdestan bi gonî ameyî dosnayene. Bi sebebo ke Rayber Apo û PKKyî şarê kurdî ke teqat ra kewtbi newe ra arde xo ser, kerdo wayîrê îrade û hêzî hetê serdestan ra tim hedef de yo.

Sîtemo kapîtalîst ke girdbîyayîşê hêzê PKKyî ra terseno narey zî rayberê PKKyî hedef girewtî. Ma sey şaranê Kurdîstanî qerarê Amerîka yê vera hemrayanê ma Cemîl Bayik, Murat Karayilan û Dûran Kalkanî protesto kenî û vanê ke ganî hemverê nê  qerarî de cinî û ciwanê Kurdîstanî  verê xo bidê safanê PKKyî.

Serra 41. ya PKKyî de seba şiktişê  tecrîdê serê Rayber Apoyî, rijnayişê faşîzmî û azadkerdişê Kurdîstanî ganî şarê ma her ca de mucadeleyî gird bikero. Na bingeyî de ma roşanê xelisyayîşî yê şarê xo pîroz kenî û serkewtiş wazenê.‘‘