Wekîla Sereka Grûba HDPyî Fatma Kûrtûlane û parlamenteranê HDPyî wesîleyê serrgêra komploya vera Rayberê Şarê Kurdî Abdullah Ocalanî Amed de eşkerayîyêk da.

Kûrtûlane komplo şermezar kerde û va: ‘‘Hêzê bandure ke seserr cuwa ver sînorê Rojhelatê Mîyanên xete kerdî nika heme îdeolojîye ke wazenê herême newe ra dîzayn biker hêriş înan kenî. Felsefeya Brez Ocalanî seba şaranê Rojhelatê Mîyanênî berê xelisnayîşî yo. Komploya 9ê teşrîna verêne vera naye derbeyêk bi. Ê ke kerdoxê Komploya Mîyanneteweyî berpirsiyarê cehenêmê şerê Rojhelatê Mîyanênî yê zî.’’

Kûrtûlane tecrîdî rê hêrsê xo arde ziwan û wina domna:‘‘Esasî de Îmrali de îradeyê şarêk û aşîtîye Tirkîya binê tecrîdî de yo.Sey Tirkiya, Ewropa zî qeydanê huqûqî gena binê lingan. Qeraro peyên yê CPTî zî reyna hetkarîya Ewropa vistê çiman ver.‘‘

Kûrtûlane şiknayîşê tecrîdî sey şiknayîşê tecrîdî hesibna û va: ‘‘Seba azadîya Brez Ocalanî têkoşîndayîş yeno mehneyê way- biratîya şaranê Tirkîya û aştîye. No semed ra ê ke aştî wazenê, ganî seba azadîya Ocalanî têkoşîn bidî.‘‘