Ame zanayene ke mehlaya Nedera ya qezaya Pasûrî ya Amedî de deweka Mala Ewdo Heşke Bîtî ke 6 keyeyê ci estê, keyeyêk hetê leşker û qorucîyan ra ame açarnayene qereqolî. Nizdê 200 leşker û qorucîyê ke bi wesayîtanê zirxinan deweke de ameyî bicakerdene, bê ke cayêk ra destûr bigîrê keyeyêk açarna qereqolî.

Ame zanayene ke berê keyeyî ameyo şiktene û leşkerê payeberzî tede ameyê bicakerdene. Qilanê dormeyê deweke de zî leşker û qorucîyî ameyî bicakerdene û seba ke xo pê germ bikerê leşkeran û qorucîyan darê dormeyî birnayê.

Ame zanayene ke hemwelatijê ke tersan ra nêşinê deweke rixmê muracatkerdişê sazîyanê fermîyan de zî hewna leşker û qorucîyî deweke ra nêameyê vetene.