Operasyono ke vizêr saetanê sibayî ra bi îlankerdişê qedexeyê tebervejîyayîşî yê mehlayanê Çemê Elika û Xeraba û dewekanê Koma Mîaranî, Koma Kilareşî, Şakan, Ayaz û Akçapinarî yê ke pabesteyê qezaya Licê ya Amedî yê dest pêkerdibi dewam keno.

Ame zanayene operasyono ke hêzê taybetî tewrê ci bîyê de erzîya serê keyeyanê ke mehla û dewekan de yê. Deweka Mîaran de keso bi nameyê S.O, deweka Gezan de H.Ş. û M.S.O. ameyî destbendkerdene.

Ame zanayene ke kesê ke ameyê destbendkerdene ameyê berdene bi qezaya Hênî.