Qedexeyî şewdir saete 06.00 de dest pê kerd û heta saetanê şewe dewam kerd.

Qedexeyê tebervejîyayîşî ra dima leşkeran eşt 11 keyeyan ser. Qezaya Hezro, taxa Çîftlîbahçe de, seba ke derheqê pî Hasan Tekîn û lajê ey Yahya Tekînî de qerarê tewqîfkerdişî esto ameyî tepiştene. Rukîye û Fevzîye Tekîne zî bi îdîaya “propagandaya rêxistine kerda“ ameyî tepiştene.  Heto bîn ra Mulkîye Tekîne û keynaya aye ya 2 serrî ya ke nameyê xo Roza Tekîne ya zî ameyî tepiştene.

Beyanatê Walîtîye de Roza Tekîne ya 2 serrîye ra qet qal nêbîyo û beyanat de ame îdîakerdene ke pîya bi keso ke nameyê xo M. O. yo û tîryakî ra ameyo tepiştene, 6 kesî ameyê destbendkerdene.