Goreyê îtîqatê Êzidîyîye hewteyanê verênan ê menga Kanûne de 3 rojî roje yeno girewtene. Êzidîyî rojanê Sêşeme Çarşeme û Pancşeme de yê ke roje yeno tepiştene nê rojan de gonî nêrişnenî, qala xirabe nêşuxulnenî û qe gureyêkê bînî nêkenî tena dûa kenî.
Meclîsê Xoserî yê Demokratîkî yê Şengalî bi wesîleya 'Rojiyên Êzî' eşkerayîyêk daye û nê vatî:
MA ÎTÎFAQANÊ XO BIHÊZ BIKERÊ
‘‘Ma sey Meclîsê Xoserî yê Demokratîkî yê Şengalî 'Rojiyên Êzî' bimbarek kenî û umîd kenî ke na roje seba Êzidîyan bibo wesîleya huzûr, aşîtî û azadîye. Bi seserran o ke Êzidîyan ser o polîtîkaya leyşin dewam kena. Na polîtîka şarê ma zî peyser visto. Êzidîyê Şengalî hewteyê yewinî yê Kanûne de bi nameyê 'Rojiyên Feqîran' roje tepişênê la Şêxan û Laleşî de Êzidîyî hewteyê dîyinî de bi nameyê 'Rojiyên Baba Şêx'î roje tepişenî. Ma tîya ra veng danê cimatê Baba Şêxî û Ruhanî ke wa îtîfaqê xo xurt bikerî.‘‘
