Metîna, Zap û Heftanîn de hêrişê hewayîyî

Teyareyanê şerî yê artêşa tirkî Warayê Pawitişî yê Medya ra herêmê Metîna, Zap û Heftanînî bombardûman kerdî. HPGyî da zanayene ke hêrişan de vîndîbîyayeyê înan çîn ê.

Merkezê Çapemenî û Îrtîbatî yê HPGyî da pêhesnayene ke teyareyanê şerî yê  artêşa tirkî ya îşxalkare Wareyê Pawitişî yê Medya bombardûman kerd.

Eşkerayîya HPGyî de ca dîya nînan:

‘‘Saetanê sibayî yê 2ê Kanûne de herêma Qesrokê ya pabesteya Heftanînî, saetanê nîmrojî yê 3ê menge de herêma Gundê Filleha ya pabesteya Zapî û şefeqê heman roje de herêma Zendura û veraşan de  zî Qilê Colemêrgî yê pabesteyê Metîna ameyî bombardûmankerdene. Netîceyê hêrişan de vîndîbîyayeyê ma çîn ê.‘‘