Dewa Pasli ya qezaya Qaqizmanî ya Qersî de domana 9 serrî, bi nameyê Sedanûr Guzele ke 16ê êlule de cêm şanî de wexto ke vernîya berê xo de kay kerdêne, vînî bîye.

Sedanûre talebeyê mektebê Esîn Çagdaşî bîye, şîyêne sinifa 3. Vînîbîyayîşê aye ra dima peroyê dewe seba ci seferberî îlan kerdbî. Gêrayîşê dewijan ra dima, ewro serê sibayî meyîtê Sedanûre nizdîyê dewe de binê kerran de ame vînayene.