Goreyê eşkerayîya HPGyî artêşa tirkî 29ê tebaxe de qezaya Payasî ya Hatayî de operasyonêk viraşt û pêkewtişan de xeylê leşkerî ameyî kiştene. Eynî pêkewtişî de 2 gerîlayê bi nameyê Piling Mardîn û  Rojhat Batman şehîd bîyî.

Îzehetê HPGyî wina yo:

‘‘29ê tebaxa 2018î de saetanê cêm şanî de artêşa tirkî qezaya Payasî ya Hatayî de dest bi operasyonêk kerd. Hêzê dagîrkerî bi teyarayanê şerî mintiqaya operasyonî bombardûman kerd. Dima ra zî mabênê hêzanê ma û leşkeran de pêkewtişî vejîyayî. Pêkewtişan de xeylê leşkerî ameyî kiştene û birîndar bîyî, la hûmara ci zelal nêbîye. Embazê ma Rojhat û Piling heta guleyê xo yê peyênî vera dişmenî de bi qehremanîye şer kerd û şehîd bîyî. Roja bîne hêzanê ma yewîya operasyonî hedef girewte, bi hawayo têsîrin da piro, la derheqê merde û birîndaran de zanayîş nêgirîya.

Embazê ma yê ke şehîd bîyê, nasnameyê înan wina yo:

Nameyê Qodî:  Rojhat Batman Name Peyname: Yilmaz Aydemîr Cayê Biyayîşî: Êlih Dadî-Babî: Kismete - Ekrem Tarîx û Cayê Şehadetî: 29ê tebaxa 2018î / Hatay

Nameyê Qodî:  Piling Mardîn Name Peyname: Abdulhamît Ozbahçecî Cayê Biyayîşî: Mêrdîn Dadî-Babî: Turkiye - Îsmaîl Tarîx û Cayê Şehadetî:   29ê tebaxa 2018î / Hata

Hemrayê ma Rojhat Batman vera polîtîkaya asîmîlasyonî de xo pawit, rixmê zext û zordarîye sere berz nasnameyê xoya giredaye bîyo pîl û emrêko şenik de Tevgerê Azadîye şinasna. Serra 1999î de tewrê gerîlayî bîyo. Heftanîn ra heta Zagros, Zagrosan ra heta Qendîlî xeylê cayan de gerîlatîye kerda û wezîfeyê xo bi serkewtişî ardo ca. Eynî wext de fermandarêko erjaye bi û heta şehadetê xo emegê girdî dayê.

Embazê ma Piling Mardîn zî vera polîtîkaya înkar û îmhayî de serranê xo yê qicî de mîyanê têkoşînî de cayê xo girewt. Pilingo ke heta unuversîte bi adirê şorîşî beno pîl, serra 2017î de vera polîtîkaya qirkerdişê kurdanî de vera xo dano koyanê Kurdîstanî. Roja verêne ra heta şehadetê xo bi fedaîtîye têgêreno. Piling hetê emzanê xo ra zaf ameyêne heskerdene û sey nimune ameyêne ramojnayene. Warê Pawitişê Medya de xeylê wezîfeyê muhîmî ardî ca. Xeta Rayber Apoyî de Amanos de têkoşînêko erjaye da û tewrê karwanê bêmergan bi.

Ma ewil merdimê şehîdanê ma yê qehremanan û peroyê şarê xo yê welatperweran rê serweşîye wazenê û vanê ke ma do heta ke waştişê şehîdan bêro ca, têkoşînê xo bidomnî.”