HPGyî eşkerayîye de ard ziwan ke netîceyê gerreyê ‘ajano’ bi nameyê Erol Tekînî de tarîxanê 13ê Teşrîna peyêne 2017 û 28ê Hezîrane 2018 de Xakurkê de 4 gerîlayan û 1 milîsî cuya xo kerda vindî.

Eşkerayîya ke sîteya HPGyî de bî, derheqê gerîlayanê ke cuya xo vindî kerdebî de nê hayîdarîyan rê ca dîya:

''Eşkerayîya ma ya bi tarîxê 27ê Êlule 2018î de ma ardibi ziwan ke hêzanê ma ajano bi nameyê Erol Tekînî ke herêma Şemzînan û Xakurkê de bi aktîvîteyanê kontrayan dişmenan dir hemkarî kerdebî û şehadetê hemrayanê ma de rol kay kerdibi ameyo cezakerdene. Ma verî zî îlan kerdibi ke 3 qewimîyayîşanê cîyayan de no elemanê kontra bîyo sebebê şehadetê 4 hemrayanê ma û 1 embazê ma yê milîsî. Prosesê tehqîqatê qewimîyayîşan de seva selahîyetê tehqîqatan ma 4 hemrayanê xo û 1 embazê xo yê milîsî îlan nêkerdîbî, temambîyayîşê nê prosesî ra dima ma bivîrardişê înan sey deynêk zanê.

Nê qewimîyayîşan ra yo yewin roja 13ê Teşrîna peyêne 2017 de virazîya û hêriş de hemrayê ma yo bi nameyê Êrîş (Fehed Bozan) û dewa Bermize ra embazê ma yo milîs yo bi nameyê Îmdat Osman Derwêş şehîd kewtî.

Qewimîyayîşo dîyin zî roja 28ê Hezîrane 2018 de virazîya, hêrişo ke herêma Sîdekan de virazîya embazê ma yê bi nameyê Hamza (Ahmet Taşçi), Botan (Serkan Ozdemîr) û Rustem (Bariş Guven) şehîd kewtî. 

Hayîdarîyê nasnameyê embazanê ma yê ke şehîd kewtê wina yê;

Nameyê Qodî: Êriş Andok Name Peyname: Fehed Bozan Cayê Bîyayîşî: Reqa Maye-Pî: Îslîme – Îsmaîl Tarîx û Cayê Şehadetî: 13ê Teşrîna peyêna 2017î / Xakurkê     Nameyê Qodî: Hamza Tekoşîn Baz Name Peyname: Ahmet Taşçi Cayê Bîyayîşî: Sêrt Maye-Pî: Elîfe – Halît Tarîx û Cayê Şehadetî: 28ê Hezîrana 2018î / Xakurkê     Nameyê Qodî: Botan Avaşîn Name Peyname: Serkan Ozdemîr Cayê Bîyayîşî: Mersîn Maye-Pî: Fîkrîye – Hurşît Tarîx û Cayê Şehadetî: 28ê Hezîrana 2018î / Xakurkê   Nameyê Qodî: Rustem Cûdî Name Peyname: Bariş Goren Cayê Bîyayîşî: Wan Maye-Pî: Yildize – Halîl Tarîx û Cayê Şehadetî: 28ê Hezîrana 2018î / Xakurkê

Ma heme hemrayanê xo yê ke nê di qewimîyayîşan de şehîd kewtê bihurmet bi vîr anê, soz danê ke heta ma beyraqa ke înan ra girewta nêresnê zaferî ma nêanê war. Wa bêro zanayene ke kam beno wa bibo, çi kesê ke şehadetê hemrayanê ma de ca girewtê ma do bêceza meverdê. Ma veng danê şarê xo ke hemverê toximê îxanetî ke newe ra yeno waştene bêro remnayene tewr bigîrê.“