Nasnameyê gerîlayêkî ame eşkerakerdene
HPGyî gerîlayêko qezaya Qûbînî ya Êlîhî de şehîd kewt, nasnameyê ci eşkera kerd.
HPGyî gerîlayêko qezaya Qûbînî ya Êlîhî de şehîd kewt, nasnameyê ci eşkera kerd.
Merkezê Çapemenî û Îrtîbatî yê HPGyî nasnameyê yew gerîlayî eşkera kerd.
Eşkerayîye de ca dîya nînan: ‘‘1ê Teşrîna peyêne de qezaya Qûbînî ya Êlîhî de mabênê hêzanê ma û dişmenî de pêkewtişêk ame ciwîyayene. Pêkewtişo ke hûmara merde û birîndaranê dişmenî nêameya zelal kerdene de embazê ma Îbrahîm heta guleyo peyên bi şerkerdişêkê qehremankîyî şehîd kewt.''
Gerîlayo ke şehîd kewt nasnameyê ci wina yo:
|
Nameyê Qodî: Îbrahîm Sari Name Peyname: Botan Kayaalp Cayê Biyayîşî: Amed Maye-Pî: Şadîye - Fahrettîn Tarîx û Cayê Şehadetî: 1ê Teşrîna peyên a 2018î / Êlîh
|
HPGyî va: ‘‘Hemra Îbrahîm serra 2012 de tewrê safanê gerîlayî bi û xeylî herêmanê şerî de wezîfeyê xo bi serkewtişî ardî ca. Embaz Îbrahîmo ke tim bi eşqê Rayberîye û qerardayîya gide wezîfeyê tewr giranî girewtêne xo ser, seba girewtişê qesasê şehîdan verê xo da Qûbînî û ewja de şehîd kewt. Beyreqê mucadeleyî ke hemra Îbrahîmî ma rê verdayo, ma do biresnê serkewtiş.‘‘
HPGyî sere de keyeyê Kayaalpî heme şarê Kurdîstanî rê serweşîye waşte û sozê caardişê waştişê şehîdan newe kerd.