Keyeyê Emîne Înedî (52) bê destûrê leşker û polîsan nêeşkeno agêro dewa xo ya ke tîya ra 25 serrî bi zor tera ameybî vetene. Emîne vat ke serran verî înan ser o qoricîtîye amîya ferzkerdene la înan seva ke qebûl nêkerda dewa xo ra ameyê vetene û vat: “Serê sibayî 6ine ra dima leşker û polîsî rayîrê dewe gênê û nêverdanê ke ma ravêrê. Bi nê hawayî amîyayîşê dewa xo bi zorê mi şino.”

Emîne vat ke a înanê ke ê dewe ra kerdê nêbexşnena û wina dewam kerd: “Înan ma bi hawayêkê dewa ma ra vetî, la nêeşkayî ma erdanê ma ra vejê. Ma ameyî Cizîre, xoverdayoxîya ma tîya zî dewam kena. 10 domanê mi estê û mi ê heme Cizîre de kerdî pîl. Seba ke dewa xo bivînê ez înan ana tîya.”

HESRETA ERDÊ KE NÊDÎYÊ…

Emîne vat her gama ke agêrêna dewe û qoricîyan vînena xemgîn bena û wina vat: “Ma înan vînenê şermayenê, ê zî gama ke serberzîya ma vînenê ganî bişermayê.”

Keynaya tewr pîle ya Emîne Hanim Bekçî (30) zî vat her gama ke agêrena dewa xo maya xo hîna rind fam kena. Hanime vat : “Her gama ke ez yena Cizîre ez domananê xo zî xo dir ana dewe. Rojêk ma do qetîyen ancî barê tîyayî bikerê.”